វ៉ាស៊ីនតោន៖ យោធាអាមេរិកបានឲ្យដឹងថា នាវាផ្ទុកយន្តហោះដើរដោយថាមពលនុយក្លេអ៊ែរ George Washington នឹងចាកចេញពីរដ្ឋ Virginia ក្នុងសប្តាហ៍នេះទៅកាន់ មូលដ្ឋានទ័ពជើងទឹកយូកូស៊ូកា ក្បែរទីក្រុងតូក្យូ ដោយជំនួសនាវា Nimitz-class មួយទៀតគឺ Ronald Reagan ។
នាវាផ្ទុកយន្ដហោះ George Washington ដែលត្រូវបានដាក់ពង្រាយ ទៅកាន់មូលដ្ឋានពីឆ្នាំ២០០៨ ដល់ឆ្នាំ២០១៥ គ្រោងនឹងចេញដំណើរពីស្ថានីយ៍ Naval Station Norfolk នៅថ្ងៃព្រហស្បតិ៍នេះ ដោយធ្វើដំណើរឆ្លងកាត់មហាសមុទ្រប៉ាស៊ីហ្វិក បន្ទាប់ពីមូលដ្ឋាន Cape Horn នៅចុងភាគខាងត្បូងនៃអាមេរិកខាងត្បូង។
យោងតាមកងទ័ពជើងទឹកអាមេរិកបានឲ្យដឹងថា មុនពេលទៅដល់ទីក្រុងកំពង់ផែជប៉ុននៅដំណាច់ឆ្នាំ នាវាផ្ទុកយន្តហោះត្រូវបានគេរំពឹងថា នឹងធ្វើដំណើរជាមួយនាវាចម្បាំងមកពីប្រទេសអាហ្សង់ទីន ប្រេស៊ីល ឈីលី កូឡុំប៊ី អេក្វាឌ័រ ប៉េរូ និងអ៊ុយរូហ្គាយ ហើយការហៅតាមកំពង់ផែ ក៏ត្រូវបានគ្រោងទុកផងដែរនៅក្នុងប្រទេសប្រេស៊ីល ឈីលី និងប៉េរូ។
ការជំនួសនាវា Ronald Reagan សម្រាប់ការជម្លៀសនឹងធ្វើឡើង ដោយសារតែការដាក់ពង្រាយ កងនាវាចរនៅក្រៅប្រទេសត្រូវបានកំណត់ត្រឹម ១០ ឆ្នាំក្រោមច្បាប់របស់សហរដ្ឋអាមេរិក។
នៅក្នុងឆ្នាំ២០០៨ ការមកដល់របស់នាវាផ្ទុកយន្ដហោះ George Washington នៅទីក្រុងយូកូស៊ូកា បានបង្ហាញពីការដាក់ពង្រាយអចិន្ត្រៃយ៍ ជាលើកដំបូងនៃនាវាផ្ទុកថាមពលនុយក្លេអ៊ែរ នៅកំពង់ផែជប៉ុន ៕
ប្រែសម្រួល ឈូក បូរ៉ា
