ម៉ិកស៊ិក៖ ប្រធានាធិបតីម៉ិចស៊ិក លោក Andres Manuel Lopez Obrador បានរំលឹកឡើងវិញនូវសំណើរបស់លោក ដែលស្នើឱ្យរដ្ឋាភិបាលសហរដ្ឋអាមេរិក បញ្ឈប់ការចេញរបាយការណ៍ វាយតម្លៃស្ថានភាពសិទ្ធិមនុស្ស នៅក្នុងប្រទេសមួយចំនួន ដោយចាត់ទុកថា វាជាការរំលោភលើអធិបតេយ្យភាព។
លោក Lopez Obrador បានប្រាប់សន្និសីទសារព័ត៌មាន ប្រចាំថ្ងៃរបស់លោក នៅឯវិមានជាតិក្នុងទីក្រុងម៉ិកស៊ិកថា “វារំលោភលើអធិបតេយ្យភាពរបស់ ប្រជាជននៃប្រទេសណាមួយ យើងឯករាជ្យ” ។
លោកបានចោទសួរជាលើកទីបួន ក្នុងសប្តាហ៍នេះថាតើរបាយការណ៍ ដែលរៀបចំដោយ ក្រសួងការបរទេសសហរដ្ឋអាមេរិក បម្រើក្នុងការផ្តល់ជំនួយផ្នែក ហិរញ្ញវត្ថុដល់ប្រទេសទាំងនោះ ដែលដំណើរការល្អក្នុង វិស័យសិទ្ធិមនុស្សដែរឬទេ។
លោក Lopez Obrador បានលើកឡើងថា “ក្នុងករណីប្រទេសម៉ិកស៊ិក សហរដ្ឋអាមេរិក មិនបានផ្តល់ប្រាក់ដុល្លារដល់យើងនោះទេ” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោកបានបន្ដថា “វាមិនមែនជាការពិតទេ ដែលរបាយការណ៍នេះមានគោលបំណង ដើម្បីមើលថាអ្នកណាដែលពួកគេជួយ និងអ្នកណាដែលពួកគេមិនបានទេ ពួកគេគ្រាន់តែមិនជួយនរណាម្នាក់នោះទេ” ៕
ប្រែសម្រួល ឈូក បូរ៉ា
