បរទេស៖ មុខងារ Autopilot របស់ក្រុមហ៊ុនផលិតរថយន្ត Tesla ត្រូវបានផ្សារភ្ជាប់ទៅនឹងគ្រោះថ្នាក់រាប់រយ និងមានមនុស្សស្លាប់ជាច្រើន នៅក្នុងរបាយការណ៍ចុងក្រោយដោយនិយតករសុវត្ថិភាពស្វ័យប្រវត្តិរបស់សហរដ្ឋអាមេរិក ដែលចេញផ្សាយកាលពីថ្ងៃព្រហស្បតិ៍។
យោងតាមសារព័ត៌មាន RT ចេញផ្សាយ នៅថ្ងៃទី២៧ ខែមេសា ឆ្នាំ២០២៤ បានឱ្យដឹងថា រដ្ឋបាលសុវត្ថិភាពចរាចរណ៍ ផ្លូវហាយវេជាតិ (NHTSA) នៃក្រសួងដឹកជញ្ជូន សហរដ្ឋអាមេរិក បាននិយាយថា ការស៊ើបអង្កេតរបស់ពួកគេ លើរថយន្តមុខងារ Autopilot របស់ឡាន Tesla ដែលជាមុខងារជំនួយអ្នកបើកបរកម្រិតខ្ពស់ដែលលោក Elon Musk បានទទូចថានឹងនាំទៅដល់រថយន្តស្វ័យប្រវត្តិពេញលេញនោះ គឺបានរកឃើញគ្រោះថ្នាក់យ៉ាងតិច ១៤ ករណីដែលលក្ខណៈពិសេសគឺ ពាក់ព័ន្ធ។
ក្នុងអំឡុងពេលនៃការស៊ើបអង្កេតរយៈពេល ៣ឆ្នាំរបស់ខ្លួន ដែលបានចាប់ផ្តើមនៅក្នុងឆ្នាំ ២០២១ ទីភ្នាក់ងារនេះបានពិនិត្យមើលការបុកដែលបានរាយការណ៍ជិត ១.០០០ករណី ដែលបានកើតឡើងនៅចន្លោះឆ្នាំ ២០១៨ ដល់ខែសីហា ឆ្នាំ ២០២៣ ។ គេបានរកឃើញថា ការប្រើប្រាស់ប្រព័ន្ធមុខងារ Autopilot ខុស គឺបានបណ្តាលឱ្យមាន ឧប្បត្តិហេតុយ៉ាងហោចណាស់ ១៤ ដែលនាំឱ្យមនុស្សស្លាប់ និង “មនុស្សជាច្រើន ពាក់ព័ន្ធនឹងរបួសធ្ងន់ធ្ងរ»។
ការិយាល័យស៊ើបអង្កេតពិការភាព (ODI) របស់ NHTSA បានរកឃើញភ័ស្តុតាងដែលថា “ប្រព័ន្ធភ្ជាប់ទំនាក់ទំនងអ្នកបើកបរ ខ្សោយរបស់ក្រុមហ៊ុន Tesla មិនសមស្របនឹងសមត្ថភាព ប្រតិបត្តិការដែលមានការអនុញ្ញាតរបស់ Autopilot” ដែលបណ្តាលឱ្យមាន “គម្លាតសុវត្ថិភាពសំខាន់” ។
ក្នុងចំណោមការបុកគ្នា នៃគ្រោះថ្នាក់ចរាចរណ៍ចំនួន ៩៥៦ករណី ដែលត្រូវបានពិនិត្យ មន្ត្រីបានបង្ហាញពីនិន្នាការ ទាក់ទងនឹងមុខងារ Autopilot ប្រហែលពាក់កណ្តាល។
ក្នុងចំណោមគ្រោះថ្នាក់ ៤៦៧ករណី ដែលនៅសល់ គឺ ODI បានកំណត់អត្តសញ្ញាណគ្រោះថ្នាក់ចំនួន ២១១ ដែលក្នុងនោះ “ផ្នែកខាងមុខរបស់ក្រុមហ៊ុន Tesla បានបុកយានជំនិះ ឬឧបសគ្គនៅក្នុងផ្លូវរបស់វា” ។ គ្រោះថ្នាក់ទាំងនេះដែលច្រើនតែធ្ងន់ធ្ងរបំផុតបានបណ្តាលឲ្យមនុស្សស្លាប់១៤នាក់ និងរបួស៤៩នាក់។
របាយការណ៍បានឱ្យដឹងទៀតថា ជាងមួយរយនៃឧប្បត្តិហេតុក៏ពាក់ព័ន្ធនឹងការចាកចេញតាមផ្លូវផងដែរ ដែល Autosteer ដែលជាធាតុផ្សំនៃ Autopilot ត្រូវបាន “ផ្តាច់ដោយអចេតនាដោយធាតុចូលរបស់អ្នកបើកបរ”៕
ប្រែសម្រួលៈ ណៃ តុលា
