ប្រែ៖ មន្ត្រីម្នាក់ នៃចលនាតស៊ូ អ៊ីស្លាម ប៉ាឡេស្ទីនហាម៉ាស់ បានឲ្យដឹងថា ចលនានេះនឹងមិនទទួល យកកិច្ចព្រមព្រៀង ណាមួយ ជាមួយអ៊ីស្រាអែល ដែលមិនរាប់បញ្ចូលការ បញ្ឈប់អរិភាពនៅតំបន់ហ្គាហ្សាស្ទ្រីបនោះទេ។
លោក Sami Abu Zuhri មន្ត្រីជាន់ខ្ពស់ក្រុមហាម៉ាស់ បានឲ្យដឹងនៅក្នុងសេចក្តីថ្លែងការណ៍មួយថា ចលនានេះ “នឹងមិនទទួលយកកិច្ចព្រមព្រៀងណាមួយ ដែលមិនរាប់បញ្ចូលការ បញ្ចប់សង្គ្រាមនៅហ្គាហ្សានោះទេ”។
លោក Abu Zuhri បានបន្ថែមថា ការឆ្លើយតបរបស់អ៊ីស្រាអែល ដែលបានឈានដល់ចលនាតាមរយៈអ្នកសម្រុះសម្រួល កំពុងស្ថិតនៅក្រោមការសិក្សា ហើយថាវាលឿនពេកក្នុងការសម្រេច បាននូវការសម្រេច ចិត្តទាក់ទងនឹងវា។
គណៈប្រតិភូក្រុម ហាម៉ាស់ គ្រោងនឹងធ្វើទស្សនកិច្ច នៅទីក្រុងគែរ នៅថ្ងៃចន្ទនេះ ដើម្បីផ្តល់ការឆ្លើយតប របស់ចលនាទាក់ទង នឹងបទឈប់បាញ់នៅហ្គាហ្សា និងដើម្បីចរចាកិច្ចព្រមព្រៀងដោះដូរចំណាប់ខ្មាំង សម្រាប់អ្នកទោសជា មួយអ៊ីស្រាអែល ៕
