រុស្សី៖ លោក Denis Manturov រដ្ឋមន្ត្រីក្រសួងឧស្សាហកម្ម និងពាណិជ្ជកម្មស្តីទីរបស់ ប្រទេសរុស្ស៊ីបាននិយាយកាលពីថ្ងៃអង្គារថា រោងចក្រមានមូលដ្ឋាននៅទីក្រុង St. Petersburg ដែលពីមុនជាកម្មសិទ្ធិរបស់ ក្រុមហ៊ុនផលិតរថយន្តជប៉ុន Toyota ត្រូវបានប្រគល់ទៅឲ្យក្រុមហ៊ុន ផលិតរថយន្តលំដាប់ខ្ពស់របស់រុស្ស៊ី Aurus ព្រោះយីហោនេះត្រូវបានគេស្គាល់ថា ល្អបំផុតសម្រាប់ផលិត limos សម្រាប់ប្រធានាធិបតីរុស្ស៊ី។
លោក Manturov បានបន្ថែមថា ការផលិតនៅរោងចក្រនឹងចាប់ផ្តើម មុនដំណាច់ឆ្នាំបច្ចុប្បន្ន។ ក្រុមហ៊ុន Toyota បានបិទរោងចក្រនៅឆ្នាំ ២០២២ ហើយបានចាកចេញពីទីផ្សាររុស្ស៊ី ចំពេលមានការដាក់ទណ្ឌកម្ម ទាក់ទងនឹងអ៊ុយក្រែនប្រឆាំងនឹងទីក្រុងម៉ូស្គូ។ រោងចក្រផលិតរថយន្ត Camry និង RAV4 ក្រោយមកត្រូវបានលក់ទៅឲ្យវិទ្យាស្ថាន Central Scientific Research Automobile and Automotive Engines អក្សរកាត់ថា NAMI ដែលគ្រប់គ្រងម៉ាក Aurus ។
នៅឆ្នាំ២០២២ វិទ្យាស្ថានក៏បានទិញភាគហ៊ុនគ្រប់គ្រង របស់ក្រុមហ៊ុនផលិតរថយន្តបារាំង Renault នៅក្នុងក្រុមហ៊ុនផលិតរថយន្តរុស្ស៊ី AvtoVAZ ។ ក្រុមហ៊ុន Aurus ជាម៉ាក់នៃយានជំនិះប្រណិតមួយត្រូវបាន បង្កើតឡើងកាលពីមួយទស្សវត្សមុន ក្នុងគោលបំណងជំនួសកងនាវា នៃរថយន្តដែលផលិតដោយបរទេស ភាគច្រើនប្រើដោយមន្ត្រីកំពូលរបស់រុស្ស៊ី។
យីហោនេះបានបង្ហាញខ្លួនជាលើកដំបូង ក្នុងពិធីសម្ពោធរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន កាលខែឧសភា ឆ្នាំ ២០១៨ ។ កាលពីថ្ងៃអង្គារ លោក ពូទីន បានប្រើប្រាស់រថយន្តទំនើបស៊េរីទំនើប ក្នុងអំឡុងពេលពិធីសម្ពោធ របស់លោកនៅទីក្រុងមូស្គូ។ រថយន្តទាំងនេះត្រូវបានដំឡើងនៅរោងចក្រ NAMI ក្នុងទីក្រុងមូស្គូ និងរោងចក្រដំឡើងនៅសាធារណរដ្ឋតាតាស្តង់ ធ្លាប់ជាក្រុមហ៊ុនបណ្តាក់ទុនរវាងក្រុមហ៊ុនរុស្ស៊ី Sollers និងក្រុមហ៊ុនផលិតរថយន្តអាមេរិក Ford។ កាលពីឆ្នាំមុន ផលិតកម្ម Aurus ត្រូវបានដាក់ឲ្យដំណើរការនៅប្រទេសអារ៉ាប់រួម។
កាលខែមករា លោក Manturov បាននិយាយថា Aurus ត្រូវបានគេរំពឹងថានឹងពង្រីកជួរយានយន្តរបស់ខ្លួន ដោយបន្ថែមម៉ូដែលមានតម្លៃសមរម្យ និងទីផ្សារច្រើន។ ការលក់រថយន្តប្រភេទរថយន្តថ្នាក់ប្រតិបត្តិ និងថ្នាក់ជំនួញធំថ្មីនឹងត្រូវបាន ដាក់ឲ្យដំណើរការក្នុងឆ្នាំ ២០២៥ ។ តម្លៃនៃម៉ូដែលរថយន្ត Aurus មានបច្ចុប្បន្នគឺលើសពី ៥០០,០០០ ដុល្លារ។
កាលពីខែកុម្ភៈ លោកប្រធានាធិបតីពូទីនបានជូនកាដូ Aurus ដល់មេដឹកនាំកូរ៉េខាងជើង Kim Jong-un ៕
