បរទេស៖ ហាងលក់គ្រឿងអលង្ការជាច្រើន គឺមានអតិថិជនច្រើនកុះករសម្លឹងរកទិញមាស ខណៈតម្លៃមាសបានឡើងថ្លៃខ្ពស់គ្រប់ពេលវេលា។
យោងតាមសារព័ត៌មាន VN EXPRESS ចេញផ្សាយនៅថ្ងៃទី១០ ខែឧសភា ឆ្នាំ២០២៤ បានឱ្យដឹងថា តម្លៃដុំមាសរបស់ក្រុមហ៊ុន Saigon Jewelry បានឡើងថ្លៃ ២,៦ភាគរយ ដល់តម្លៃខ្ពស់គ្រប់ពេលថ្មីគឺ ៩១,៨9 លានដុង ស្មើនឹង ៣.៦០៩,៦ដុល្លារក្នុងមួយថេល (ទម្ងន់មាសគិតក្នុងប្រទេសចិន) ដោយមួយថេល ស្មើនឹងជាង៣៧ក្រាម នៅព្រឹកថ្ងៃសុក្រ បន្ទាប់ពីបានឈានដល់កំណត់ត្រា ៨៩,៥ លានដុងនៅរសៀលថ្ងៃព្រហស្បតិ៍។
នៅម៉ោងប្រហែល ៤ រសៀល កាលពីថ្ងៃព្រហស្បតិ៍ មនុស្សម្នាបានតម្រង់ជួរនៅខាងក្រៅ ហាងមាសនៅទូទាំងទីក្រុងហាណូយ ទោះបីជាមានភ្លៀងធ្លាក់ក៏ដោយ។
ហាងមួយនៅផ្លូវ Cau Giay ថែមទាំងត្រូវឈប់ទទួលអតិថិជនពីខាងក្រៅ ដោយបម្រើតែអ្នកដែលបានកំណត់ ការណាត់ជួបរួចហើយតែប៉ុណ្ណោះ។
មនុស្សរង់ចាំដោយអត់ធ្មត់ជាជួរ សម្រាប់វេនរបស់ពួកគេដើម្បីទិញមាស។ លោកស្រី Hoa អាយុ ៦២ ឆ្នាំបាននិយាយថា គាត់បានដកប្រាក់សន្សំទាំងអស់របស់ខ្លួន ដើម្បីទិញមាសនៅពេលដែលតម្លៃ កំពុងកើនឡើងខណៈពេលដែល អត្រាការប្រាក់ប្រាក់បញ្ញើមានកម្រិតទាប។
លោកស្រីថា “ដោយឃើញធនាគាររដ្ឋវៀតណាមដាក់ដេញថ្លៃ មាសក្នុងតម្លៃទាបជាង ៨៦ លានដុង , ខ្ញុំ និងមនុស្សជាច្រើនជឿថាតម្លៃនឹងបន្តកើនឡើង” ។
អតិថិជនភាគច្រើននៅក្នុងហាងបានបន្លឺឡើងនូវការគិតដូចៗគ្នា។
លោក Thuy Hien បុគ្គលិកការិយាល័យដែលចេញពី ធ្វើការលឿនដើម្បីទិញមាសនៅហាង Cau Giay បាននិយាយថា “ខ្ញុំខ្លាចថាប្រសិនបើខ្ញុំមិនទិញ ឥឡូវនេះខ្ញុំនឹងខកខានឱកាស ប្រសិនបើតម្លៃកើនឡើងនៅថ្ងៃស្អែក” ។
នៅតាមផ្លូវ ហាងមាស PNJ បានលក់មាសដុំ និងចិញ្ចៀនមាសតម្លៃ ២៤K អស់អស់ហើយ។
នៅហាងមួយទៀតនៅផ្លូវ Xa Dan បុគ្គលិកបានជូនដំណឹងដល់អតិថិជនថា ប្រសិនបើពួកគេចង់ទិញដុំមាសលើសពី ១០ ថេល, គឺពួកគេត្រូវធ្វើការកុម្ម៉ង់ជាមុន ហើយរង់ចាំយ៉ាងហោចណាស់មួយសប្តាហ៍ ដោយសារការផ្គត់ផ្គង់មានកំណត់។
នៅទីក្រុងហូជីមិញ ហាងលក់គ្រឿងអលង្ការ Saigon នៅផ្លូវ Nguyen Thi Minh Khai មានមនុស្សកកកុញដោយអ្នកទិញ៕
ប្រែសម្រួល: ណៃ តុលា
