បរទេស៖ យោងតាមការចេញផ្សាយរបស់ RT បានឲ្យដឹងថាប្រធានាធិបតីរុស្ស៊ី លោក Vladimir Putin
បានធ្វើដំណើរទៅដល់ទីក្រុងប៉េកាំង សម្រាប់ដំណើរទស្សនកិច្ច លើកដំបូងរបស់គាត់ នៅក្រៅប្រទេស ចាប់តាំង
ពីការបោះឆ្នោតឡើងវិញ។
ប្រភពដដែលបានសរសេរទៀតថា ដំណើរទស្សនកិច្ចរយៈពេលពីរថ្ងៃលើកនេះ ធ្វើឡើងនៅចំខួបលើកទី៧៥ នៃទំនាក់
ទំនងការទូតរវាងប្រទេសទាំងពីរ នឹងមានជំនួបជាមួយប្រធានាធិបតីចិន Xi Jinping ផងដែរ។
យោងតាមការតាមដានជាមុននៃ ដំណើរទស្សនកិច្ចដែលផ្តល់ ដោយជំនួយការប្រធានាធិបតី Yury Ushakov នៅ
ដើមសប្តាហ៍នេះ មេដឹកនាំទាំងពីរនឹងពិភាក្សា ទាំងទំនាក់ទំនងទ្វេភាគី និងអង្គការអន្តរជាតិ និងរចនាសម្ព័ន្ធផ្សេងៗពី
BRICS និងសហភាពសេដ្ឋកិច្ចអឺរ៉ាស៊ី រហូតដល់អង្គការសហប្រជាជាតិ។
មេដឹកនាំរុស្ស៊ីបានមកដល់ ទីក្រុងប៉េកាំងក្នុងរយៈពេលត្រឹមតែដប់ថ្ងៃប៉ុណ្ណោះ បន្ទាប់ពីការចូលកាន់តំណែងរបស់គាត់ ពោលគឺដូចទៅលោក Xi បានធ្វើដូចគ្នានេះដែរនៅពេលគាត់ ទៅទីក្រុងមូស្គូក្នុងខែមីនា ឆ្នាំ២០២៣។ យោងតាមលោក Ushakov នេះជាកាយវិការដោយចេតនា របស់រុស្សីនិង បន្ទាប់ពីក្រុងប៉េកាំង លោក Putin គ្រោងនឹងទៅធ្វើទស្សនកិច្ចនៅទីក្រុង Harbin ភាគឦសានប្រទេសចិនផងដែរ ៕
ប្រែសម្រួល៖ ស៊ុន លី
