ហ្គាហ្សា ៖ ក្រុមហាម៉ាស់ បានឲ្យដឹងថា មិនមានជម្រើស ក្នុងការបើកច្រកឆ្លងកាត់ ក្រោមការត្រួតពិនិត្យ របស់ប៉ាឡេស្ទីន សម្រាប់ការផ្តល់ជំនួយមនុស្សធម៌ ទៅកាន់តំបន់ហ្គាហ្សាស្ទ្រីបរួម ទាំងកំពង់ផែជំនួយអណ្តែតទឹក ដែលបានបោះយុថ្កាថ្មីនោះទេ ។
ការបញ្ជាក់នេះកើតឡើង បន្ទាប់ពីការចាប់ផ្តើមប្រតិបត្តិការ ដោយកំពង់ផែជំនួយបង្កើតឡើង ដោយសហរដ្ឋអាមេរិក នៅក្រៅឆ្នេរនៃទីក្រុងហ្គាហ្សា នេះបើយោងតាមប្រភពប៉ាឡេស្ទីនក្នុងស្រុក ។
ក្រុមហាម៉ាស់បានឲ្យដឹង នៅក្នុងសេចក្តីថ្លែងការណ៍មួយថា មធ្យោបាយ នៃការផ្តល់ជំនួយណាមួយ រួមទាំងច្រកជំនួយ មិនមែនជាការជំនួស សម្រាប់ការបើកច្រកឆ្លងកាត់ដី ទាំងអស់ក្រោមការត្រួតពិនិត្យ របស់ប៉ាឡេស្ទីននោះទេ។
ក្រុមនេះបានសង្កត់ធ្ងន់ លើសិទ្ធិរបស់ប្រជាជនប៉ាឡេស្ទីន ក្នុងការទទួលបានជំនួយចាំបាច់ទាំងអស់ ចំពេលមានមហន្តរាយមនុស្សធម៌ ដែលបណ្តាលមកពីការ កាន់កាប់ នៅតំបន់ហ្គាហ្សាស្ទ្រីប។
គួរបញ្ជាក់ថា ក្រុមហាម៉ាស់ក៏បានបញ្ជាក់ជាថ្មី ពីការបដិសេធដោយក្រុមនេះ និងក្រុមប៉ាឡេស្ទីនទាំងអស់ ចំពោះវត្តមានយោធានៃកម្លាំងណាមួយ នៅលើទឹកដីប៉ាឡេស្ទីន ៕
ប្រែសម្រួល ឈូក បូរ៉ា
