បរទេស ៖ យោងតាមការចេញ ផ្សាយរបស់ RT សម័យប្រជុំមួយរបស់សភា របស់កោះតៃវ៉ាន់ បានក្លាយទៅជាជម្លោះ ដោយហិង្សារវាងសមាជិកសភា មកពីគណបក្សចំនួន៣ ហើយជាលទ្ធផលវាបានធ្វើឲ្យអ្នកខ្លះ ការបាក់ឆ្អឹង និង ខ្លះទៀតរបួសផងដែរ។
សមាជិកសភា បានប្រមូលផ្តុំគ្នា ដើម្បីពិភាក្សាលើសេចក្តីព្រាង ដ៏ចម្រូងចម្រាសមួយ របស់គណបក្សប្រឆាំង ក្នុងការដាក់ទោសមន្ត្រី ដែលធ្វើសេចក្តីថ្លែងការណ៍មិនពិត នៅក្នុងសភានិងផ្តល់អំណាចបន្ថែមទៀត ដល់ស្ថាប័ននីតិប្បញ្ញត្តិ ដើម្បីពិនិត្យរដ្ឋាភិបាល។
ភាពតានតឹងបានកើនឡើងខ្ពស់ សូម្បីតែមុនសម័យប្រជុំ ដោយសមាជិកសភាបានស្រែក និងរុញគ្នាទៅវិញទៅមក នៅខាងក្រៅអគារក្នុងក្រុងតៃប៉ិ។
កំដៅកាន់តែកើនឡើង នៅពេលដែលពួកគេចូលទៅខាងក្នុងបន្ទប់ ខណៈដែលសមាជិកចាប់ផ្តើមបញ្ចេញកណ្តាប់ ដៃរបស់ពួកគេ ហើយធ្វើវាយប្រហារដោយដៃ ដាក់គ្នាទៅវិញទៅមក ។
គួរឲ្យដឹងដែរថាការប៉ះទង្គិចគ្នា ពាក់ព័ន្ធនឹងសមាជិក នៃគណបក្សទាំងបី – គណបក្សវឌ្ឍនភាព ប្រជាធិបតេយ្យ (DPP) របស់ប្រធានាធិបតីជាប់ឆ្នោត Lai Ching-te គណបក្សប្រឆាំង Kuomintang (KMT) ដែលមានអាសនៈចំនួនបីនៅក្នុងសភាច្រើន ជាង DPP ប៉ុន្តែមិនអាចបង្កើតសំឡេងភាគច្រើនបានទេ។ និងគណបក្សប្រជាជនតៃវ៉ាន់ (TPP) ដែលទទួលបានតែ ៨ អាសនៈ ។
ក្នុងអំឡុងពេលនៃការប៉ះទង្គិចគ្នា សមាជិកសភាម្នាក់ នៃគណបក្ស DPP បានបញ្ចប់ទៅដោយត្រូវបានបញ្ជូនទៅកាន់មន្ទីរពេទ្យ បន្ទាប់ពីត្រូវបានគូប្រជែង របស់គាត់ទម្លាក់ពីលើតុ ហើយដួលលើក្បាលរបស់គាត់៕
ប្រែសម្រួល៖ស៊ុនលី
