លោក Xi Jinping ប្រធានរដ្ឋចិនផ្ញើសារ រំលែកទុក្ខជូន ចំពោះលោក Mukhbel អនុប្រធានាធិបតីទីមួយ របស់អ៊ីរ៉ង់ ស្តីពីករណីរងគ្រោះ របស់លោក Raisi ប្រធានាធិបតីអ៊ីរ៉ង់ ក្នុងឧប្បតិ្តហេតុ ធ្លាក់ឧទ្ធម្ភាគចក្រ

ថ្ងៃទី២០ ខែឧសភា លោក Xi Jinping ប្រធានរដ្ឋចិនបានផ្ញើសាររំលែកទុក្ខ ជូនចំពោះលោក Mukhbel អនុប្រធានាធិបតីទីមួយ របស់អ៊ីរ៉ង់ ស្តីពីករណីរងគ្រោះ របស់លោក Raisi ប្រធានាធិបតីអ៊ីរ៉ង់ ក្នុងឧប្បតិ្តហេតុធ្លាក់ឧទ្ធម្ភាគចក្រ ។ លោក Xi Jinping បានតាំងនាមរដ្ឋាភិបាល និងប្រជាជនចិន ចូលរួមរំលែកទុក្ខ យ៉ាងគ្រៀមក្រំ និងសម្តែងការសួរសុខទុក្ខ ដោយស្មោះ ចំពោះលោក Mukhbel អនុប្រធានាធិបតីទី១ ញាតិសន្តាន របស់លោកប្រធានាធិបតី Raisi ព្រមទាំងរដ្ឋាភិបាល និងប្រជាជនអ៊ីរ៉ង់ ។

លោក Xi Jinping បានគូសបញ្ជាក់ថា ចាប់តាំង ពីលោកប្រធានាធិបតី Raisi ឡើងកាន់មុខតំណែងមក បានរួមចំណែកដ៏សំខាន់ ក្នុងការការពារសន្តិសុខ និងស្ថិរភាពអ៊ីរ៉ង់ និងជំរុញការអភិវឌ្ឍនិងវិបុលភាព របស់ប្រទេសជាតិ ក៏ដូចជាបានធ្វើការខិតខំប្រឹងប្រែងយ៉ាងសកម្ម ដើម្បីពង្រឹងនិងធ្វើឱ្យស៊ីជម្រៅ នូវទំនាក់ទំនងភាពជាដៃគូយុទ្ធសាស្រ្ត គ្រប់ជ្រុងជ្រោយរវាងចិននិងអ៊ីរ៉ង់ ។
ការរងគ្រោះ របស់លោកប្រធានាធិបតី គឺជាការបាត់បង់ដ៏ធំធេង របស់ប្រជាជនអ៊ីរ៉ង់ ហើយប្រជាជនចិន ក៏បានបាត់បង់មិត្តល្អមួយរូបផងដែរ។ រដ្ឋាភិបាលនិងប្រជាជន ចិនយកចិត្តទុកដាក់ ចំពោះមិត្តភាព ប្រពៃណី រវាងចិននិងអ៊ីរ៉ង់ ជឿជាក់ថា ក្រោមការខិតខំប្រឹងប្រែងរួម របស់ភាគីទាំងពីរ ទំនាក់ទំនងភាពជាដៃគូ យុទ្ធសាស្រ្តគ្រប់ជ្រុងជ្រោយ រវាងចិននិងអ៊ីរ៉ង់ មុខជានឹងអាចពង្រឹងនិងពង្រីកនិង អភិវឌ្ឍជាបន្តបន្ទាប់ជាមិនខាន៕

Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999