បរទេស៖ យោងតាមសារព័ត៌មាន RT ចេញផ្សាយនៅថ្ងៃទី២២ ខែឧសភា ឆ្នាំ២០២៤ បានឱ្យដឹងថា រដ្ឋមន្ត្រីការបរទេសអាមេរិកលោក Antony Blinken ត្រូវបានបង្ខំឱ្យការពារក្រសួងរបស់លោក សម្រាប់ការចូលរួមរំលែកទុក្ខក្នុងនាម ទីក្រុងវ៉ាស៊ីនតោនចំពោះការស្លាប់ របស់ប្រធានាធិបតីអ៊ីរ៉ង់ Ebrahim Raisi ដោយអះអាងថា វាគ្រាន់តែជាទម្រង់ផ្លូវការប៉ុណ្ណោះ។
នៅក្នុងសេចក្តីថ្លែងការណ៍ខ្លីមួយកាលពីថ្ងៃចន្ទ ក្រសួងការបរទេសសហរដ្ឋអាមេរិកបានសម្តែង “ការរំលែកទុក្ខជាផ្លូវការ” ចំពោះការស្លាប់របស់ប្រធានាធិបតីអ៊ីរ៉ង់ Raisi និងមន្ត្រីអ៊ីរ៉ង់ផ្សេងទៀត ខណៈដែលត្រូវប្រាកដដើម្បីបញ្ជាក់សារជាថ្មីអំពី “ការគាំទ្ររបស់វ៉ាស៊ីនតោន សម្រាប់ប្រជាជនអ៊ីរ៉ង់ និងការតស៊ូរបស់ពួកគេដើម្បីសិទ្ធិមនុស្ស និងសេរីភាពជាមូលដ្ឋាន” ។
ក្នុងអំឡុងពេលសវនាការគណៈកម្មាធិការ ទំនាក់ទំនងបរទេសព្រឹទ្ធសភានៅថ្ងៃអង្គារ លោក Blinken ត្រូវបានចោទសួរជុំវិញសេចក្តីថ្លែងការណ៍នេះ ដោយព្រឹទ្ធសមាជិក John Barrasso (R-WY) បានអះអាងថាវា “គួរឱ្យភ្ញាក់ផ្អើល” ដែលរដ្ឋបាលសហរដ្ឋអាមេរិក នឹងកាន់ទុក្ខ ចំពោះ “សត្រូវស្បថនៃពិភពលោកសេរី” ។
ឆ្លើយតបនឹងការចោទសួរបែបនេះ លោក Blinken បានបញ្ជាក់ថា យើងបានសម្តែងការរំលែកទុក្ខជាផ្លូវការ ដូចដែលយើងបានធ្វើនៅពេលដែលប្រទេស ទាំងប្រទេសសត្រូវ ឬប្រទេសមិនមែនជាសត្រូវ ដែលបានបាត់បង់មេដឹកនាំ។ “វាមិនផ្លាស់ប្តូរអ្វីទាំងអស់អំពីការពិតដែលថាលោក Raisi បានចូលរួមក្នុងការប្រព្រឹត្តដែលប្រមាថ រួមទាំងការគាបសង្កត់ប្រជាជន របស់គាត់អស់រយៈពេលជាច្រើនឆ្នាំ”។
ចំណែកព្រឹទ្ធសមាជិកលោក Ted Cruz (R-TX) បានសង្កត់បន្ថែមទៀតដោយសួរថាតើ អ្នកការទូតកំពូលរបស់សហរដ្ឋអាមេរិកជឿថា “ពិភពលោកគឺប្រសើរជាងឥឡូវនេះទេដែលលោក Raisi បានស្លាប់” នោះ។ លោក Blinken បាននិយាយថា “ដោយសារទង្វើដ៏អាក្រក់ដែលគាត់ ទាំងក្នុងឋានៈជាចៅក្រម និងជាប្រធានាធិបតី ដល់កម្រិតដែលគាត់មិនអាចចូលរួម ជាមួយពួកគេបានទៀតនោះ បាទ ប្រជាជនអ៊ីរ៉ង់ប្រហែលជាប្រសើរជាង” ៕
ប្រែសម្រួលៈ ណៃ តុលា
