ប៉េកាំង៖ ការិយាល័យព័ត៌មាន ក្រុមប្រឹក្សារដ្ឋ របស់ប្រទេសចិន នៅថ្ងៃពុធនេះ បានចេញរបាយការណ៍ ស្តីពីការរំលោភសិទ្ធិមនុស្ស នៅសហរដ្ឋអាមេរិកក្នុងឆ្នាំ២០២៣ ដោយបង្ហាញពីស្ថានភាពសិទ្ធិមនុស្ស កាន់តែយ៉ាប់យ៉ឺន របស់ប្រទេសនេះ ជាមួយនឹងអង្គហេតុ និងតួលេខ។
របាយការណ៍នេះបានអំពាវនាវ ឱ្យរដ្ឋាភិបាល សហរដ្ឋអាមេរិក ចាត់វិធានការជាក់ស្តែង ដើម្បីដោះស្រាយបញ្ហា សិទ្ធិមនុស្សរបស់ខ្លួន និងឆ្លើយតបទៅនឹងការរំពឹងទុក របស់ប្រជាជនអាមេរិក និងកង្វល់អន្តរជាតិ។
របាយការណ៍បានឲ្យដឹងថា ស្ថានភាពសិទ្ធិមនុស្សនៅសហរដ្ឋអាមេរិកបានបន្តធ្លាក់ចុះក្នុងឆ្នាំ២០២៣ ដោយបន្ថែមថា សិទ្ធិមនុស្សកំពុងក្លាយជាប៉ូលនៅក្នុងប្រទេស នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ប្រភពបានឲ្យដឹងថា “ខណៈពេលដែលជនជាតិភាគតិច ដែលកំពុងកាន់អំណាច កាន់កាប់ផ្នែកនយោបាយ សេដ្ឋកិច្ច និងសង្គម ប្រជាជនសាមញ្ញភាគច្រើនត្រូវបាន កាត់បន្ថយកាន់តែខ្លាំងឡើង ដោយសិទ្ធិ និងសេរីភាពជាមូលដ្ឋាន របស់ពួកគេត្រូវបានគេ មិនយកចិត្តទុកដាក់”។
ដោយកត់សម្គាល់ថា សិទ្ធិស៊ីវិល និងនយោបាយត្រូវបានកាត់បន្ថយ មកត្រឹមការពិភាក្សា នៅក្នុងសហរដ្ឋអាមេរិក របាយការណ៍នេះបានទាក់ទាញការយកចិត្តទុកដាក់ ចំពោះបញ្ហាកាន់តែអាក្រក់ឡើង រួមមានអំពើហិង្សាដោយកាំភ្លើង ការប្រយុទ្ធគ្នាដោយបក្សពួក ភាពឃោរឃៅរបស់ប៉ូលីស និងប្រព័ន្ធគណនេយ្យភាព នៃការអនុវត្តរបស់ប៉ូលីស ដែលគ្មានប្រសិទ្ធភាព ការឃុំឃាំង និងពលកម្មដោយបង្ខំ ការប្រកាន់និន្នាការនយោបាយ ការរៀបចំការបោះឆ្នោត និងការថយចុះភាពជឿជាក់របស់រដ្ឋាភិបាល។
របាយការណ៍បានឲ្យដឹងទៀតថា “ជំងឺរ៉ាំរ៉ៃនៃការរើសអើងជាតិសាសន៍ នៅតែបន្តកើតមាន” ដោយគូសបញ្ជាក់ថា ជនជាតិអាមេរិកដើមកំណើតអាហ្វ្រិកប្រឈមមុខ នឹងការរើសអើងពូជសាសន៍ និងវិសមភាពក្នុងវិស័យដូចជាការអនុវត្តច្បាប់ និងសេវាវេជ្ជសាស្រ្ត ៕
ប្រែសម្រួល ឈូក បូរ៉ា
