ញូវយ៉ក៖ អ្នកជំនាញអាមេរិកបានឲ្យដឹងថា គោលនយោបាយឧស្សាហកម្មដ៏ធំ របស់សហរដ្ឋអាមេរិក ក្នុងប៉ុន្មានឆ្នាំថ្មីៗនេះ រួមជាមួយនឹង ភាពមិនច្បាស់លាស់ ខាងនយោបាយ បាននាំឱ្យមានភាពវឹវរផ្សេងៗ។
គោលនយោបាយឧស្សាហកម្ម របស់សហរដ្ឋអាមេរិក ដែលពិបាកដកចេញ នៅពេលដំឡើងរួច បានធ្វើឱ្យប៉ះពាល់ដល់ប្រជាជនអាមេរិក តាមវិធីជាច្រើន នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
លោក Scott Lincicome អនុប្រធានផ្នែកសេដ្ឋកិច្ចទូទៅ នៅវិទ្យាស្ថាន Cato បានឲ្យដឹងថា ជាមួយនឹងការឧបត្ថម្ភធន របស់អ្នកផលិត ការឧបត្ថម្ភធនធ្វើមូលដ្ឋានីយកម្ម តម្រូវការលទ្ធកម្មសហព័ន្ធ និងពន្ធគយ គោលនយោបាយឧស្សាហកម្ម របស់សហរដ្ឋអាមេរិក បានបណ្តាលឱ្យមានការចំណាយ សរុបពី ១ទៅ២ពាន់ពាន់លានដុល្លារអាមេរិក នៅក្នុងការចំណាយ របស់រដ្ឋាភិបាលថ្មី និងមជ្ឈមណ្ឌលសម្រាប់ការសិក្សា គោលនយោបាយ ពាណិជ្ជកម្ម។
ថ្វីបើមានការកើនឡើងយ៉ាងខ្លាំង នៅក្នុងទំហំ និងវិសាលភាពនៃគោលនយោបាយ ឧស្សាហកម្មនៅ សហរដ្ឋអាមេរិកក៏ដោយ មានភស្តុតាងជាក់ស្តែង តិចតួចនៃការរីកចំរើន ផ្នែកផលិតកម្ម ជាពិសេសនៅក្នុងឧស្សាហកម្ម ថាមពលបៃតង។
លោក Lincicome បានឲ្យដឹងនៅក្នុងកិច្ចពិភាក្សា ជាក្រុមនាពេលថ្មីៗនេះ ស្តីពីការឧបត្ថម្ភធន លើរថយន្តអគ្គិសនី (EV) និងគោលនយោបាយ ឧស្សាហកម្មរបស់សហរដ្ឋអាមេរិកថា “វាក៏មានការចំណាយបន្ថែមផងដែរ ដែលត្រូវបានបង់ ដោយអ្នកប្រើប្រាស់តាមរយៈ តម្លៃកាន់តែខ្ពស់ ដោយសារតែការការពារទាំងអស់នោះ” ។
លោក Lincicome បានព្រមានថា គោលនយោបាយឧស្សាហកម្ម របស់សហរដ្ឋអាមេរិក បច្ចុប្បន្នបង្កើតភាពមិនប្រក្រតី ដោយកត់សម្គាល់តម្លៃសេដ្ឋកិច្ច នយោបាយ និងភូមិសាស្ត្រនយោបាយ នៃគោលនយោបាយ ឧស្សាហកម្មរបស់សហរដ្ឋអាមេរិក លើសពីអត្ថប្រយោជន៍ ជាក់ស្តែង និងជាក់ស្តែង។
លោកបានបន្ដថា ជាពិសេសពន្ធដែលដាក់លើផលិតផលនាំចូលមកទល់ពេលនេះ ភាគច្រើនត្រូវបានបង់ដោយជនជាតិអាមេរិក ដែលនាំឱ្យកាត់បន្ថយទិន្នផល និងការងារក្នុងការផលិត និងការសងសឹកពីបរទេស គ្រប់ប្រភេទ។
លោក Lincicome បានបន្ថែមថា ពន្ធគយក៏បង្កើតឱ្យមានការការពារនិយម និងច្បាប់ចម្លងផងដែរ ហើយភាពច្របូកច្របល់ ត្រូវបានគេមើលឃើញថា មានពេញមួយការអនុវត្តច្បាប់ ដែលទាក់ទងនឹងការមិនរាប់បញ្ចូលពន្ធគយ៕
ប្រែសម្រួល ឈូក បូរ៉ា
