យេរ៉ូសាឡឹម៖ ក្រសួងការបរទេសអ៊ីស្រាអែលបានឲ្យដឹងថា គ្មានសារផ្លូវការណាមួយត្រូវ បានទទួលពីរដ្ឋាភិបាលប្រេស៊ីល ទាក់ទងនឹងការសម្រេចចិត្ត ក្នុងការកោះហៅឯកអគ្គរដ្ឋទូតប្រចាំ ប្រទេសអ៊ីស្រាអែល លោល Frederico Meyer មកវិញនោះទេ ។
នៅព្រឹកថ្ងៃពុធនេះ ប្រទេសប្រេស៊ីល បានប្រកាស តែងតាំងលោក Meyer ជាអ្នកតំណាងពិសេសរបស់ប្រទេស ទៅកាន់សន្និសីទអង្គការសហប្រជាជាតិ ស្តីពីការរំសាយ អាវុធនៅទីក្រុងហ្សឺណែវ។
លោក Meyer មិនបាននៅក្នុងប្រទេសអ៊ីស្រាអែល អស់រយៈពេលប្រហែល ៣ខែចាប់តាំងពីលោកបានត្រលប់ទៅប្រេស៊ីល ដើម្បី “ពិគ្រោះយោបល់” បន្ទាប់ពីវិបត្តិការទូត រវាងប្រទេសទាំងពីរ ជុំវិញជម្លោះនៅតំបន់ហ្គាហ្សា ដោយប្រធានាធិបតី ប្រេស៊ីលលោក Luiz Inacio Lula da Silva បានចោទប្រកាន់អ៊ីស្រាអែលពី “អំពើប្រល័យពូជសាសន៍” ។
ក្រសួងអ៊ីស្រាអែលបានកត់សម្គាល់ថា ខ្លួននឹងកោះហៅប្រធានបេសកកម្ម ប្រេស៊ីល មកប្រជុំពិភាក្សាលើបញ្ហានេះនៅថ្ងៃព្រហស្បតិ៍៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)