បរទេស ៖ យោងតាមការចេញផ្សាយរបស់ RT អ៊ីស្រាអែល បានស្នើឲ្យមានបទឈប់បាញ់ថ្មី ដែលយូរអង្វែង សម្រាប់តំបន់ហ្គាហ្សា ជាថ្នូរនឹងការដោះលែងចំណាប់ខ្មាំង ដែលនៅសេសសល់ទាំងអស់ ដោយក្រុមហាម៉ាស នេះបើយោងតាមប្រធានាធិបតីអាមេរិកលោក Joe Biden បាននិយាយ កាលពីថ្ងៃសុក្រដោយអំពាវនាវ ឱ្យក្រុមសកម្មប្រយុទ្ធប៉ាឡេស្ទីន យល់ព្រមលើការផ្តល់ជូននេះ។
កិច្ចពិភាក្សាដែលមានការសម្របសម្រួល ដោយអេហ្ស៊ីប កាតា និងប្រទេសផ្សេងទៀតបានឈានដល់ទីបញ្ចប់ម្តងហើយម្តងទៀត ដោយភាគីទាំងពីរបានបន្ទោសគ្នា ទៅវិញទៅមក។
ក្នុងអំឡុងសន្និសីទសារព័ត៌មាន នៅសេតវិមានកាលពីរសៀលថ្ងៃសុក្រ លោក Biden បាននិយាយថា អ៊ីស្រាអែលបានដាក់ចេញនូវ សំណើថ្មីដ៏ទូលំទូលាយ ដើម្បីបញ្ចប់សង្រ្គាមនេះផងដែរ ។
អ្នករាល់គ្នាដែលចង់បានសន្តិភាពឥឡូវនេះ ត្រូវតែបញ្ចេញសំឡេង ហើយធ្វើការដើម្បីធ្វើឲ្យវាក្លាយជាការពិត។ លោក Biden បានថ្លែងថា វាដល់ពេលហើយដែលសង្គ្រាមនេះត្រូវបញ្ចប់ដោយអំពាវនាវដល់មេដឹកនាំទាំងសងខាងកុំឲ្យ បាត់បង់ពេលនេះ។
យោងតាមលោក Biden បានបញ្ជាក់បន្ថែមបានឲ្យដឹងថា សំណើនេះនឹងត្រូវបានបែងចែកទៅជាបីដំណាក់កាល ដោយដំបូងគឺបទឈប់បាញ់ រយៈពេលប្រាំមួយសប្តាហ៍៕
ប្រែសម្រួល៖ស៊ុនលី
