ប៉េកាំង៖ រដ្ឋមន្ត្រីការពារជាតិចិន លោក Dong Jun បានរិះគន់សហរដ្ឋអាមេរិក នៅក្នុងវេទិកាសន្តិសុខក្នុងប្រទេសសិង្ហបុរី កាលពីថ្ងៃអាទិត្យ ដោយអះអាងថា ទីក្រុងវ៉ាស៊ីនតោន គាំទ្រឯករាជ្យភាពរបស់តៃវ៉ាន់ និងកំពុងបង្កើនភាពតានតឹងក្នុងតំបន់ដោយបង្កើត “រង្វង់តូច” ជាមួយសម្ព័ន្ធមិត្ត និងប្រទេស ដែលមានគំនិតដូចគ្នា។
ដោយនិយាយឡើងវិញថា កោះដែលគ្រប់គ្រងដោយខ្លួនឯងគឺជា “ស្នូលនៃផលប្រយោជន៍ស្នូលរបស់ចិន” លោក Dong បានឲ្យដឹងនៅឯកិច្ចប្រជុំកំពូលសន្តិសុខអាស៊ី ដែលត្រូវបានគេស្គាល់ថាជាកិច្ចសន្ទនា Shangri-La ថាការរំពឹងទុកនៃការបង្រួបបង្រួមដោយសន្តិភាពគឺ “កាន់តែខ្លាំងឡើងត្រូវបានបំផ្លាញដោយពួកបំបែកខ្លួន ដើម្បីឯករាជ្យតៃវ៉ាន់ និងកងកម្លាំងបរទេស” សំដៅលើសហរដ្ឋអាមេរិក។
លោក Dong បានព្រមានថា “ចេតនាអាក្រក់ នៃ “កងកម្លាំងជ្រៀតជ្រែកពីខាងក្រៅ គឺទាញតៃវ៉ាន់ឱ្យចូលទៅក្នុងស្ថានភាពដ៏គ្រោះថ្នាក់” ។ ចិនទាមទារតៃវ៉ាន់ជាផ្នែកមួយនៃទឹកដីរបស់ខ្លួន ហើយមានបំណងនាំខ្លួនចូលក្នុងការគ្រប់គ្រងដោយកម្លាំងបើចាំបាច់។
រដ្ឋមន្ត្រីចិនក៏បានឲ្យដឹងផងដែរថា ទីក្រុងប៉េកាំង “ប្រឆាំងនឹងការកសាងសម្ព័ន្ធមិត្តយោធាផ្តាច់មុខ” ដោយទទួលយកកិច្ចខិតខំប្រឹងប្រែងដឹកនាំដោយសហរដ្ឋអាមេរិក ដើម្បីបង្កើនទំនាក់ទំនងសន្តិសុខជាមួយដៃគូក្នុងតំបន់។
លោកបានបន្ថែមថា “រង្វង់តូចៗជាច្រើនដែលផ្តោតលើប្រទេសផ្សេងទៀត មិនអាចធ្វើឱ្យតំបន់របស់យើងមានសុវត្ថិភាពជាងមុនទេ ហើយគ្រាន់តែអាចបង្កឱ្យមានភាពតានតឹងបន្ថែមទៀត” ។
ការរិះគន់របស់លោកទៅលើទីក្រុងវ៉ាស៊ីនតោនបានកើតឡើងមួយថ្ងៃបន្ទាប់ពីរដ្ឋមន្ត្រីការពារជាតិអាមេរិកលោក Lloyd Austin បានព្រមានអំពីសកម្មភាពបង្ខិតបង្ខំរបស់ចិន នៅក្នុងតំបន់ឥណ្ឌូប៉ាស៊ីហ្វិក រួមទាំងសកម្មភាពឈ្លានពានរបស់ខ្លួនប្រឆាំងនឹងនាវាហ្វីលីពីន នៅក្នុងសមុទ្រចិនខាងត្បូងដែលមានជម្លោះ៕
ប្រែសម្រួល ឈូក បូរ៉ា
