បរទេស៖ លោក វ្ល៉ាឌីមៀ ហ្សេលេនស្គី ប្រធានាធិបតីប្រទេស អ៊ុយក្រែនបានអះអាងថា ប្រទេសចិនកំពុងធ្វើសកម្មភាព ក្នុងនាមរុស្ស៊ី និងជំរុញប្រទេសផ្សេង ទៀតឱ្យរំលង “កិច្ចប្រជុំកំពូលសន្តិភាព” ដែលរៀបចំដោយប្រទេសស្វីស នាពេលខាងមុខ ក៏ដូចជាការផ្តល់ជំនួយផ្នែកយោធា របស់ចិនដល់ទីក្រុងម៉ូស្គូផងដែរ។
យោងតាមសារព័ត៌មាន RT ចេញផ្សាយនៅថ្ងៃទី២ ខែមិថុនា ឆ្នាំ២០២៤ បានឱ្យដឹងថា លោក វ្ល៉ាឌីមៀ ហ្សេលេនស្គី បានវាយប្រហារផ្នែកការទូតដ៏កម្រទៅលើ ទីក្រុងប៉េកាំងកាលពីថ្ងៃអាទិត្យ ខណៈពេលកំពុងនិយាយក្នុងសន្និសីទ សារព័ត៌មានបន្ទាប់ពីការបង្ហាញខ្លួនដ៏គួរឱ្យភ្ញាក់ផ្អើល របស់លោកនៅឯការសន្ទនា Shangri-La ដែលជាសន្និសីទសន្តិសុខ ប្រចាំឆ្នាំដែលរៀបចំ ដោយវិទ្យាស្ថានអន្តរជាតិសម្រាប់ការសិក្សាយុទ្ធសាស្ត្រ (IISS) នៅប្រទេសសិង្ហបុរី។
លោក ហ្សេលេនស្គី បានអះអាងថា៖ «រុស្ស៊ីកំពុងប្រើឥទ្ធិពលចិនមកលើតំបន់ ដោយប្រើអ្នកការទូតចិនក៏ធ្វើអ្វីៗ គ្រប់យ៉ាងដើម្បីរំខានដល់ជំនួបកំពូលសន្តិភាព»។
លោកក៏បានលើកឡើង ពីការចោទប្រកាន់មិនច្បាស់លាស់ប្រឆាំង នឹងប្រទេសចិនសម្រាប់ការផ្តល់ជំនួយ យោធាមិនជាក់លាក់ដល់រុស្ស៊ី ចំពេលមានអរិភាព បើទោះបីជាមានការ អះអាងជាសាធារណៈផ្សេងពីនេះក៏ដោយ។ លោកបានអះអាងថាមាន “ភាពវៃឆ្លាតដែលតាមវិធីខ្លះ របស់ខ្លះចូលទីផ្សារ រុស្ស៊ី តាមរយៈប្រទេសចិន” ដោយអះអាងថា “ធាតុមួយចំនួននៃសព្វាវុធ របស់រុស្ស៊ី មកពីប្រទេសចិន”៕
ប្រែសម្រួលៈ ណៃ តុលា
