ព័ត៌មានអន្តរជាតិ

អាមេរិករំពឹងថា អ៊ីស្រាអែល នឹងទទួលយកផែនការ បទឈប់បាញ់ នៅតំបន់ហ្គាហ្សា

RT News

បរទេស៖ អ្នកនាំពាក្យសន្តិសុខជាតិ របស់សេតវិមានលោក John Kirby បាននិយាយថា រដ្ឋាភិបាលសហរដ្ឋអាមេរិក មានទំនុកចិត្តថា អ៊ីស្រាអែលនឹងទទួលយកកិច្ចព្រមព្រៀង បីដំណាក់កាលសម្រាប់ បទឈប់បាញ់នៅតំបន់ហ្គាហ្សា ប្រសិនបើក្រុមហាម៉ាស់យល់ព្រម។

យោងតាមសារព័ត៌មាន RT ចេញផ្សាយនៅថ្ងៃទី៣ ខែមិថុនា ឆ្នាំ២០២៤ បានឱ្យដឹងថា ប្រធានាធិបតីអាមេរិកលោក Joe Biden បានគូសបញ្ជាក់ពីសំណើសុំឱ្យមានបទឈប់ បាញ់កាលពីថ្ងៃសុក្រ ដោយបង្ហាញថា វាបានមកពីក្រុងហ្សេ រុយសាឡឹមខាងលិច។

លោក Kirby បាននិយាយនៅក្នុង បទសម្ភាសន៍ជាមួយ ABC News ‘This Week កាលពីថ្ងៃអាទិត្យថា “នេះ​ជា​សំណើ​របស់​អ៊ីស្រាអែល។ យើងមានការរំពឹងទុកថា ប្រសិនបើក្រុមហាម៉ាស់យល់ព្រមនឹងសំណើ… នោះអ៊ីស្រាអែលនឹងឆ្លើយថា Yes ”។

លោក Kirby បានបន្ថែមថា សហរដ្ឋអាមេរិកសង្ឃឹមថា ភាគីទាំងពីរយល់ព្រមចាប់ផ្តើមដំណាក់កាលដំបូងនៃផែនការ “ឱ្យបានឆាប់តាមដែលអាចធ្វើទៅបាន” ។ “យើងកំពុងរង់ចាំការឆ្លើយតប ជាផ្លូវការពីក្រុមហាម៉ាស”។

ដំណាក់កាលទី១ នឹងមាន “ការផ្អាក” រយៈពេលប្រាំមួយសប្តាហ៍នៅក្នុងការប្រយុទ្ធគ្នា ក្នុងអំឡុងពេលដែលអ៊ីស្រាអែល និងក្រុមហាម៉ាសនឹង “នឹងអង្គុយចុះ ហើយព្យាយាមចរចាថាតើដំណាក់កាលទី២ ហើយនៅពេលណាដែលអាចចាប់ផ្តើម” , នេះបើតាមលោក Kirby ដែលជាអ្នកនាំពាក្យបាននិយាយ សម្រាប់ក្រុមប្រឹក្សាសន្តិសុខជាតិអាមេរិក ៕
ប្រែសម្រួលៈ ណៃ តុលា


Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
To Top