បរទេស ៖ យោងតាមការចេញផ្សាយរបស់ RT ក្រសួងការបរទេសអាមេរិក បានប្រកាសដាក់ទណ្ឌកម្ម លើអង្គការអ៊ីរ៉ង់ចំនួនបួន និងបុគ្គលម្នាក់ ដែលគេជឿថា មានជាប់ពាក់ព័ន្ធ ក្នុងការអភិវឌ្ឍន៍ និងផលិតយន្តហោះគ្មាន មនុស្សបើក ដែលទីក្រុងវ៉ាស៊ីនតោនអះអាងថា កំពុងផ្គត់ផ្គង់ដល់ប្រទេសរុស្ស៊ី និងក្រុមសកម្មប្រយុទ្ធនៅទូទាំងមជ្ឈឹមបូព៌ា។
នៅក្នុងសេចក្តីថ្លែងការណ៍មួយ ដែលត្រូវបានចេញផ្សាយនៅលើគេហទំព័រ របស់នាយកដ្ឋានកាលពីថ្ងៃចន្ទ ទីក្រុងវ៉ាស៊ីនតោនបានកត់ សម្គាល់ថាវិធានការនេះកំពុង ត្រូវបានដាក់ក្នុង ពេលដំណាលគ្នានឹងការដាក់ ទណ្ឌកម្មរបស់សហភាព អឺរ៉ុបលើបុគ្គល និងអង្គភាពពាក់ព័ន្ធនៅ ក្នុងឧស្សាហកម្មផលិតដ្រូន របស់អ៊ីរ៉ង់។
គោលដៅចុងក្រោយ នៃការដាក់ទណ្ឌកម្ម របស់អាមេរិករួម មានអង្គភាព ចំនួនបួនដែលពាក់ព័ន្ធ ជាមួយក្រុមហ៊ុន Rayan Roshd Afzar ក៏ដូចជានាយកប្រតិបត្តិរបស់អ៊ីរ៉ង់ ជាមួយអង្គការ ឧស្សាហកម្ម អាកាសចរណ៍អ៊ីរ៉ង់ ដែលជាក្រុមហ៊ុនគាំទ្រ ដោយក្រសួងការពារជាតិ អ៊ីរ៉ង់ និងភស្តុភារកងកម្លាំង ប្រដាប់អាវុធ ដែលត្រួតពិនិត្យក្រុមហ៊ុនផលិត UAV រួមទាំងយន្តហោះ អ៊ីរ៉ង់ ក្រុមហ៊ុនផលិតឧស្សាហកម្ម និងឧស្សាហកម្មអាកាសចរណ៍ Qodsផងដែរ ។
គួរឲ្យដឹងដែរថាចំណាត់ការ របស់ក្រុងវ៉ាស៊ីនតោន ធ្វើឡើងបន្ទាប់ពីការដាក់ទណ្ឌកម្ម របស់សហភាពអឺរ៉ុបលើបុគ្គល និងអង្គការមួយចំនួនរបស់អ៊ីរ៉ង់ និងកូរ៉េខាងជើង កាលពីថ្ងៃសុក្រសប្តាហ៍មុន ៕
ប្រែសម្រួល៖ស៊ុនលី
