យានអវកាសរបស់ចិន នាំយកមកនូវសំណាក ពីទីតាំងដ៏ឆ្ងាយនៃភពព្រះចន្ទ

ប៉េកាំង៖ យានអវកាស Chang’e-6 របស់ប្រទេសចិន ត្រូវបានហោះហើរចេញពីផ្ទៃនៃព្រះចន្ទ្រ កាលពីព្រឹកថ្ងៃអង្គារ ដោយបាននំាយកមកនូវសំណាក ដែលប្រមូលបានពីផ្នែក ដ៏ឆ្ងាយរបស់ភពព្រះចន្ទ្រ ដែលជាស្នាដៃមិនធ្លាប់ មានពីមុនមកនៅ ក្នុងប្រវត្តិសាស្ត្ររុករកតាមច័ន្ទគតិ របស់មនុស្សយើង ។

រដ្ឋបាលអវកាសជាតិចិន ហៅកាត់ថា (CNSA) បានឲ្យដឹងថា យានអវកាសបានហោះចូល ទៅក្នុងគន្លងដែលបានកំណត់ ទុកជាមុនជុំវិញភពព្រះចន្ទ្រ ។

យានអវកាសនេះបានហោះឡើងនៅវេលាម៉ោង៧និង៣៨នាទីព្រឹក ម៉ោងនៅក្រុងប៉េកាំង ស្ថិតនៅពីចំហៀងនៃភពព្រះចន្ទ្រ ។

យោងតាមរដ្ឋបាល CNSA បានឱ្យដឹងថា ម៉ាស៊ីនដែលមានកម្លាំង៣.០០០ញូតុន បន្ទាប់ពីធ្វើការបានប្រហែល៦នាទី បានរុញឧបករណ៍ឡើងទៅកាន់គន្លងតាមច័ន្ទគតិដែលបានកំណត់ទុកជាមុន ។

ការស៊ើបអង្កេត របស់យាន Chang’e-6 ដែលរួមមាន ជាអ្នកដើររុករកនៅលើដី អ្នកចុះចត អ្នកឡើងលើ និងអ្នកត្រលប់ មកវិញ ដូចជាយានអវកាសមុន Chang’e-5 ត្រូវបានបាញ់បង្ហោះនៅថ្ងៃទី៣ ខែឧសភា។

ការរួមបញ្ចូលគ្នារវាង Lander-ascender ដែលបំបែកចេញពីគន្លងតារាវិថី ហើយការរួមផ្សំគ្នាបានធ្វើឡើងនៅថ្ងៃទី៣០ ខែឧសភា ដោយបានចុះទៅដល់តំបន់ចុះចតដែលបានកំណត់នៅក្នុងអាងប៉ូលខាងត្បូង (South Pole-Aitken) រឺហៅថា(SPA កាលពីថ្ងៃទី២ ខែមិថុនា ។

ខាង CNSA បានបញ្ជាក់យ៉ាងដូច្នេះថា យានអវកាសបានបញ្ចប់ការងារ ប្រមូលយកសំណាក តាមភាពដ៏ឆ្លាតវៃ និងរហ័សរបស់ខ្លួន ហើយសំណាកទាំងនោះ ត្រូវបានរក្សា ទុកក្នុងកុងតឺន័រមួយ នៅផ្នែកខាងក្នុងនៃយាន អវកាសតាមការគ្រោងទុក ៕
ប្រែសម្រួលដោយ៖ ម៉ៅ បុប្ផាមករា