ឡូសអេនជឺលេស៖ រលកកំដៅដ៏រ៉ាំរ៉ៃបានបន្តកើនឡើង នៅភាគនិរតីនៃសហរដ្ឋអាមេរិក នៅចុងសប្តាហ៍នេះ ដោយនាំមកនូវសីតុណ្ហភាពបំបែកកំណត់ត្រា និងធ្វើឱ្យមនុស្សរាប់លាននាក់ ស្ថិតនៅក្រោមការប្រឹក្សាអំពីកំដៅ។
កំដៅខ្លាំង គឺជារលកកំដៅ ដ៏សំខាន់ទីមួយនៃឆ្នាំនេះ ហើយបានអូសបន្លាយពេញតំបន់នេះអស់រយៈពេលជាច្រើនថ្ងៃ ដោយតំបន់ខ្លះជួបប្រទះថ្ងៃ ក្តៅបំផុតរបស់ពួកគេ ដែលមិនធ្លាប់មានក្នុងឆ្នាំនេះ។
ខណៈពេលដែលការធូរស្រាលខ្លះ ត្រូវបានរំពឹងទុក សម្រាប់រដ្ឋភាគខាងលិចអាមេរិក នៅថ្ងៃសៅរ៍ សីតុណ្ហភាពក្តៅខ្លាំងត្រូវបានគេព្យាករណ៍ថា នឹងផ្លាស់ទីទៅភាគខាងកើតនៅសប្តាហ៍ក្រោយ ដែលនាំមកនូវការគំរាមកំហែងនៃភ្លៀងធ្លាក់ខ្លាំង និងព្យុះផ្គររន្ទះដល់រដ្ឋភាគកណ្តាលភាគខាងត្បូង។
សេវាអាកាសធាតុជាតិអាមេរិក (NWS) បានឲ្យដឹងថា “ការផ្លាស់ប្តូរសីតុណ្ហភាពក្តៅពីខាងលិច/និរតីទៅវាលទំនាបនៅសប្តាហ៍ក្រោយ ដោយសារការគំរាមកំហែងពីភ្លៀង ធ្លាក់ខ្លាំងនៅផ្នែកខាងក្រោមប៉ះពាល់ដល់រដ្ឋភាគខាងត្បូង-កណ្តាល និងពីឈូងសមុទ្រម៉ិកស៊ិកចូលទៅក្នុងរដ្ឋផ្លរីដា” ។
មនុស្សជាង ៦លាននាក់នៅក្នុង សហរដ្ឋអាមេរិកបច្ចុប្បន្នស្ថិតនៅក្រោមការ ជូនដំណឹងអំពីកំដៅខ្លាំងដែលចេញដោយ NWS ខណៈពេលដែលកាលពីថ្ងៃសុក្រ ការជូនដំណឹងអំពីកំដៅបានចូល ជាធរមានសម្រាប់មនុស្សជិត ២៩,៧លាននាក់ នេះបើយោងតាមប្រព័ន្ធព័ត៌មាន សុខភាពកំដៅរួមបញ្ចូលគ្នាជាតិ ។
កំដៅបានឡើងដល់កំពូលកាលពីថ្ងៃព្រហស្បតិ៍ សម្រាប់រដ្ឋភាគនិរតីភាគច្រើន ដោយទីតាំងជាច្រើនបានបំបែកកំណត់ត្រា សីតុណ្ហភាពនៅក្នុងរដ្ឋកាលីហ្វ័រញ៉ា អារីហ្សូណា និងរដ្ឋណេវ៉ាដា៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
