បរទេស៖ យោងតាមការចេញផ្សាយរបស់ RT ប្រភពជាច្រើននៅក្នុងទីក្រុងគៀវ បានអះអាងថា ការបោសសម្អាតមន្ត្រីរដ្ឋាភិបាល នាពេលថ្មីៗនេះរបស់លោក Vladimir Zelensky បានធ្វើឱ្យខូចទំនុកចិត្តរបស់ អ្នកគាំទ្របរទេសរបស់អ៊ុយក្រែន។
ប្រធានទីភ្នាក់ងាររដ្ឋសម្រាប់ការស្តារ និងអភិវឌ្ឍន៍ហេដ្ឋារចនាសម្ព័ន្ធ លោក Mustafa Nayyem បានប្រកាសលាលែងពី តំណែងកាលពីថ្ងៃចន្ទហើយ គាត់ត្រូវបានតាមដានដោយមន្ត្រីទទួលបន្ទុកលទ្ធកម្ម និងគោលនយោបាយប្រឆាំងអំពើពុករលួយ។
ការចាកចេញរបស់ពួកគេគឺជា ការផ្លាស់ប្តូរបុគ្គលិកចុងក្រោយបង្អស់ ដែលបានអង្រួនទំនុកចិត្តរបស់ដៃគូលោកខាងលិច នៅក្នុងរដ្ឋាភិបាលរបស់លោក Vladimir Zelensky។
ការលាលែងពីតំណែង និងការចាត់តាំងឡើងវិញដែលគ្រប់គ្រងដោយ Zelensky ក្នុងរយៈពេលប៉ុន្មានខែថ្មីៗនេះ “នបង្កឱ្យមានភាពតានតឹង រវាងទីក្រុងគៀវ និងបណ្តាប្រទេសដែលផ្តល់ ហិរញ្ញប្បទានដល់ប្រទេសអ៊ុយក្រែន មន្ត្រីអ៊ុយក្រែន និងលោកខាងលិចចំនួនប្រាំមួយ បានប្រាប់ភ្នាក់ងារលក់ក្នុងលក្ខខណ្ឌ មិនបញ្ចេញឈ្មោះ។
កាលពីខែមុន លោក Zelensky បានបណ្តេញលោក Alexander Kubrakov រដ្ឋមន្ត្រីក្រសួងហេដ្ឋារចនាសម្ព័ន្ធ របស់អ៊ុយក្រែនដែលរដ្ឋមន្ត្រីរូបនេះ និងលោក Nayyem ទទួលបន្ទុកទាំងការកសាងឡើងវិញ និងការកសាងបន្ទាយការពារមាន ទំនាក់ទំនងគ្នាយ៉ាងជិតស្និទ្ធហើយ មន្ត្រីអ៊ុយក្រែនពីរនាក់បានប្រាប់ថាលោក Zelensky បានចាត់ទុក Kubrakov ថាបានផ្តេកផ្តួលនិងកក់ក្ដៅពេកហើយ ជាមួយជនជាតិអាមេរិក ៕
ប្រែសម្រួល៖ ស៊ុន លី
