បរទេស៖ ស្ត្រីវៀតណាមម្នាក់បានដើរអាក្រាតកាយ ជុំវិញព្រលានយន្តហោះក្នុងប្រទេសហ្វីលីពីន កាលពីថ្ងៃទី ៨ ខែមិថុនា បន្ទាប់ពីនាងត្រូវបានស្នើឲ្យបង់ប្រាក់ពិន័យសម្រាប់ការស្នាក់នៅលើសកំណត់ ។
យោងតាមសារព័ត៌មាន VN EXPRESS ចេញផ្សាយនៅថ្ងៃទី១៣ ខែមិថុនា ឆ្នាំ២០២៤ បានឱ្យដឹងថា សារព័ត៌មាន News.com.au រាយការណ៍ថា ស្ត្រីអាយុ ៣៤ ឆ្នាំ បានដើរដោយគ្មានសម្លៀកបំពាក់ នៅអាកាសយានដ្ឋានអន្តរជាតិ Ninoy Aquino ក្នុងទីក្រុងម៉ានីល។ ឧប្បត្តិហេតុនេះ ត្រូវបានថតដោយកាមេរ៉ា។
ស្ត្រីរូបនេះត្រូវបានគេអះអាងថា បានបញ្ចប់វិស្សមកាល របស់នាងនៅក្នុងប្រទេសហ្វីលីពីន ហើយនឹងហោះហើរត្រឡប់ទៅទីក្រុងហូជីមិញ ប្រទេសវៀតណាមវិញ ប៉ុន្តែនាងត្រូវបានអាជ្ញាធរស្នើសុំឱ្យបង់ប្រាក់ថ្លៃ សម្រាប់ការស្នាក់នៅលើសទិដ្ឋាការ ។ នាងបានប្រកែកអំពីថ្លៃសេវា មុនពេលចូលបង្គន់អាកាសយានដ្ឋាន ហើយចេញមកទាំងអាក្រាតកាយ ដោយឆ្លងកាត់ទ្វារសុវត្ថិភាព និងម៉ាស៊ីនស្កែនខ្លួន ។
បុគ្គលិកអាកាសយានដ្ឋាន បាននិយាយថា នៅទីបំផុតស្ត្រីនោះត្រូវបានបញ្ចុះបញ្ចូលឱ្យស្ងប់ស្ងាត់វិញ ហើយស្លៀកពាក់មុនពេលត្រូវ បានគេនាំទៅគ្លីនីក អាកាសយានដ្ឋាន ។ នាងបានស្នាក់នៅទីនោះមួយយប់ បានទទួលការព្យាបាល បង់ថ្លៃផាកពិន័យ ហើយក្រោយមក ក៏បានជិះយន្តហោះ ត្រឡប់ទៅទីក្រុងហូជីមិញវិញ។
នាងបានរាយការណ៍ថា មិនបានបង្កគ្រោះថ្នាក់ដល់អ្នកដំណើរណាម្នាក់ ឬបង្កឱ្យមានការពន្យារពេលឡើយ ៕
ប្រែសម្រួលៈ ណៃ តុលា
