បរទេស៖ ប្រធានាធិបតីអាមេរិកលោក Joe Biden បានសន្យាថានឹងមិនលើកលែងទោស ដល់កូនប្រុសដែលមានបញ្ហា របស់លោកគឺលោក Hunter Biden ដែលថ្មីៗនេះត្រូវបានគេរកឃើញថា មានពិរុទ្ធពីបទរំលោភច្បាប់សហព័ន្ធនោះឡើយ។ គណៈវិនិច្ឆ័យនៃរដ្ឋ Delaware បានប្រកាសសាលក្រមកាលពីថ្ងៃអង្គារ ប៉ុន្មានខែមុនការបោះឆ្នោតប្រធានាធិបតីឆ្នាំ២០២៤ ដែលលោក Joe Biden នឹងប្រឈមមុខជាមួយនឹងអតីតប្រធានាធិបតី លោក Donald Trump ។
យោងតាមសារព័ត៌មាន RT ចេញផ្សាយនៅថ្ងៃទី១៤ ខែមិថុនា ឆ្នាំ២០២៤ បានឱ្យដឹងថា លោក Biden បាននិយាយនៅក្នុង សន្និសីទសារព័ត៌មានអំឡុងកិច្ចប្រជុំ G7 នៅភាគខាងត្បូងប្រទេសអ៊ីតាលីថា “ខ្ញុំពេញចិត្តដែលខ្ញុំមិនធ្វើអ្វីទេ ខ្ញុំបាននិយាយថាខ្ញុំនឹងគោរព តាមការសម្រេចរបស់គណៈវិនិច្ឆ័យ។ ខ្ញុំនឹងធ្វើវា ហើយខ្ញុំនឹងមិនលើកលែងទោសគាត់ឡើយ” ។ ពេលសួរអ្នកកាសែតថាតើលោកនឹង សម្រាលទោសឱ្យកូនប្រុសលោកឬអត់? លោក Biden ឆ្លើយថា “ទេ”។
ទោះជាយ៉ាងណាក៏ដោយ ប្រធានាធិបតីបានបញ្ជាក់ជាថ្មីថា គាត់គាំទ្រកូនប្រុសគាត់។ “ខ្ញុំមានមោទនភាពយ៉ាងខ្លាំង ចំពោះកូនប្រុសរបស់ខ្ញុំ Hunter។ គាត់បានយកឈ្នះការញៀន។ គាត់ជាបុរសម្នាក់ក្នុងចំណោមមនុស្សភ្លឺថ្លា និងសមរម្យបំផុតដែលខ្ញុំស្គាល់»។
យោងតាមរដ្ឋអាជ្ញា គឺថា លោក Hunter Biden បានបំពានច្បាប់កាំភ្លើង ដោយមិនបានបង្ហាញពីការញៀន របស់គាត់ក្នុងការបង្ក្រាបកូកាអ៊ីន នៅពេលដែលគាត់បានទិញកាំភ្លើងខ្លីក្នុងឆ្នាំ ២០១៨ ។ Hunter Biden បានសារភាពថាបានតស៊ូជាមួយការញៀនស្រា និងគ្រឿងញៀន។ ទោះជាយ៉ាងនេះក្តី ក្រុមមេធាវីការពារក្តីរបស់គាត់បានអះអាងថា គាត់មិនបានចាត់ទុកខ្លួនគាត់ជា អ្នកញៀននៅពេលទិញអាវុធនោះទេ ៕
ប្រែសម្រួលៈ ណៃ តុលា
