អូតាវ៉ា៖ នាយករដ្ឋមន្ត្រីកាណាដា លោក Justin Trudeau បានប្រកាសថា ប្រទេសកាណាដានឹងធ្វើជាម្ចាស់ផ្ទះនៃកិច្ចប្រជុំកំពូល G7 បន្ទាប់នៅទីក្រុងកាណាណាស្គីស រដ្ឋអាល់បើតា ក្នុងឆ្នាំ២០២៥ ។
នេះនឹងជាលើកទីប្រាំពីរសម្រាប់ប្រទេសកាណាដាក្នុងការធ្វើជាម្ចាស់ផ្ទះនៃកិច្ចប្រជុំកំពូល។ ទីក្រុងកាណាណាស្គីស មានចំងាយប្រហែល ៧៥ គីឡូម៉ែត្រពីភាគខាងលិចនៃតំបន់ កាល់ហ្គារី ដែលត្រូវបានកត់សម្គាល់ សម្រាប់ការកម្សាន្ដ និងទេសចរណ៍នៅលើភ្នំ Rocky ។
នៅខែមិថុនាឆ្នាំ២០០២ តំបន់នេះបានរៀបចំកិច្ចប្រជុំកំពូលលើកទី២៨ នៃក្រុមប្រទេស G7 ។ នៅក្នុងសេចក្តីថ្លែងការណ៍ចុងក្រោយនៃកិច្ចប្រជុំកំពូលនោះ ចំណុចលេចធ្លោមួយ ដែលមិននឹកស្មានដល់ គឺការប្រកាសថា រុស្ស៊ី នឹងក្លាយជាសមាជិកពេញលេញពិតប្រាកដនៃក្រុមនេះ។
កិច្ចប្រជុំកំពូល G7 ចុងក្រោយដែលកាណាដាធ្វើជាម្ចាស់ផ្ទះក្នុងឆ្នាំ២០១៨ ត្រូវបានសម្គាល់ដោយភាពចម្រូងចម្រាស។ បន្ទាប់មក ប្រធានាធិបតីអាមេរិក លោក ដូណាល់ ត្រាំ ដែលបានចាកចេញពីកិច្ចប្រជុំមុននេះ បានបង្ហោះលើបណ្ដាញ Twitter ឲ្យដឹងថា លោកបានណែនាំអ្នកតំណាងរបស់លោក កុំឱ្យគាំទ្រសេចក្តីប្រកាសរបស់មេដឹកនាំ៕
ប្រែសម្រួល ឈូក បូរ៉ា
