ហ្គាហ្សា៖ លោក Ismail Haniyeh ប្រធានការិយាល័យនយោបាយរបស់ហាម៉ាស បានប្តេជ្ញាថា សំណើបទឈប់បាញ់ណាមួយ សម្រាប់តំបន់ហ្គាហ្សាស្ទ្រីប ដែលមិនធានាការដកកងទ័ពអ៊ីស្រាអែលទាំងស្រុងចេញពីតំបន់នោះ មិនអាចទទួលយកបានឡើយ។
លោក Haniyeh បានឲ្យដឹងនៅក្នុងសេចក្តីថ្លែងការណ៍ថា ចលនាហាម៉ាស់ បានបង្ហាញពីភាពបត់បែនអតិបរមា និងទទួលយករាល់សំណើ ដែលបានស្នើឡើងលើលក្ខខណ្ឌនៃបទឈប់បាញ់ ការបញ្ចប់អរិភាព និងការដកទ័ពអ៊ីស្រាអែលទាំងស្រុងចេញពីតំបន់ហ្គាហ្សាស្ទ្រីប លោក Haniyeh បាននិយាយនៅក្នុងសេចក្តីថ្លែងការណ៍ដែលត្រូវបានចេញផ្សាយបន្ទាប់ពីការសម្លាប់គ្រួសាររបស់គាត់ជាច្រើននាក់។ សមាជិកក្នុងការវាយប្រហារតាមអាកាសរបស់អ៊ីស្រាអែលនៅព្រឹកថ្ងៃនេះ។
លោកបានអំពាវនាវដល់សហគមន៍អន្តរជាតិឱ្យជួយធានាបទឈប់បាញ់ ផ្តល់ជំនួយ និងផ្គត់ផ្គង់សម្ភារចាំបាច់ដល់ប្រជាជននៅតំបន់ហ្គាហ្សា នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ទាក់ទងនឹងការរៀបចំនាពេលអនាគតអំពីតំបន់ហ្គាហ្សា លោក Haniyeh បានលើកឡើងថា គំនិតទាំងអស់អំពីថ្ងៃបន្ទាប់ពីការវាយលុករបស់អ៊ីស្រាអែល និងការរៀបចំផ្ទៃក្នុងអំពីតំបន់នេះគួរតែជា “ប៉ាឡេស្ទីនសុទ្ធសាធ”។
លោកបានសង្កត់ធ្ងន់ថា “គ្មានអ្នកណាម្នាក់មានសិទ្ធិធ្វើអន្តរាគមន៍នោះទេ ទាំងការកាន់កាប់ ឬអ្នកណាផ្សេងទៀត”។
នៅព្រឹកថ្ងៃអង្គារ ប្រភពសន្តិសុខប៉ាឡេស្ទីនបានរាយការណ៍ថា យន្តហោះអ៊ីស្រាអែល បានកំណត់គោលដៅផ្ទះគ្រួសាររបស់លោក Haniyeh នៅក្នុងជំរុំជនភៀសខ្លួន Al-Shati ភាគខាងជើងហ្គាហ្សា ជាមួយនឹងកាំជ្រួចជាច្រើនគ្រាប់៕ ប្រែសម្រួល ឈូក បូរ៉ា
