បរទេស៖ យោងតាមការចេញផ្សាយរបស់ RT លោក Vladimir Zelensky បាននិយាយថាអ៊ុយក្រែនកំពុងរៀបចំ ផែនការទូលំទូលាយមួយរួចទៅហើយ សម្រាប់បញ្ចប់ជម្លោះជាមួយរុស្ស៊ី ដែលគួរតែរួចរាល់នៅចុងឆ្នាំនេះ។
លោកZelensky បានធ្វើការអត្ថាធិប្បាយនៅក្នុង សន្និសីទកាសែតនៅទីក្រុងគៀវ បន្ទាប់ពីបានជួបជាមួយប្រធានាធិបតីស្លូវេនី Natasa Pirc Musar កាលពីថ្ងៃសុក្រ។
លោក Zelensky បាននិយាយថា យើងក៏នឹងធ្វើការដោះស្រាយ ចំណុចផ្សេងទៀតទាំងអស់ នៃរូបមន្តសន្តិភាព និងរៀបចំផែនការដ៏ទូលំទូលាយមួយ ដែលនឹងមាននៅលើតុមុនពេលដៃគូរបស់យើង ។ វាមានសារៈសំខាន់ខ្លាំងណាស់ សម្រាប់ពួកយើងក្នុងការបង្ហាញពីផែនការ បញ្ចប់សង្រ្គាមដែលនឹងត្រូវបានគាំទ្រ ដោយប្រជាជនភាគច្រើននៃ ពិភពលោកហើយ នេះជាផ្លូវការទូតដែលយើងកំពុងធ្វើ។
អ្វីដែលហៅថារូបមន្តសន្តិភាពគឺជាឯកសារ១០ចំណុច Zelensky ដែលបានបង្ហាញក្នុងខែវិច្ឆិកា ឆ្នាំ២០២២ ដែលស្រមៃថារុស្ស៊ីបានប្រគល់ ទឹកដីអតីតអ៊ុយក្រែនទាំងអស់ ដកកងទ័ពទាំងអស់ ចេញសំណង និងបញ្ជូនទៅសាលាក្តីឧក្រិដ្ឋកម្មសង្គ្រាម ក្នុងចំណោមរបស់ផ្សេងៗទៀត។
ទោះបីជាយ៉ាងណាក្តី កាលពីគ្រានោះរដ្ឋាភិបាលទីក្រុងមូស្គូ គឺបានច្រានចោលផែនការនេះទៅហើយ ដោយចោទវាថាជារឿងមិនពិត និងផ្តាច់ចេញពីការពិត ឬមិនអាចទៅរួចនោះទេ៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
