បរទេស ៖ យោងតាមការចេញផ្សាយរបស់ RT ក្រុមប្រឹក្សាសហភាពអឺរ៉ុប បានដាក់ចេញនូវកញ្ចប់ទណ្ឌកម្មថ្មី ប្រឆាំងនឹងបេឡារូស ដែលវិធានការនេះបានធ្វើឡើងបន្ថែមពីលើការរឹតបន្តឹងមួយចំនួន ដែលក្រុងប្រ៊ូសែល ធ្លាប់បានណែនាំប្រឆាំងនឹងរុស្ស៊ី ។
ចំណាត់ការនេះ ត្រូវបានគេរំពឹងថា នឹងធ្វើឱ្យការដាក់ទណ្ឌកម្ម របស់សហភាពអឺរ៉ុបប្រឆាំង នឹងទីក្រុងម៉ូស្គូ កាន់តែមានប្រសិទ្ធភាព ដោយការដោះស្រាយការគេចចេញ ពីការរឹតបន្តឹង ប្រឆាំងនឹងរុស្ស៊ីដែលមានស្រាប់ នេះបើយោងតាមសេចក្តីថ្លែងការណ៍ ដែលចេញផ្សាយដោយក្រុមប្រឹក្សា កាលពីថ្ងៃសៅរ៍។
វិធានការថ្មីហាមឃាត់ការនាំចូលមាស និងពេជ្រដោយផ្ទាល់ ឬដោយប្រយោលពីប្រទេសបេឡារូស រួមជាមួយនឹងផលិតផលអេលីយ៉ូម ធ្យូងថ្ម និងរ៉ែ រួមទាំងប្រេងឆៅផងដែរ។
ទណ្ឌកម្មនេះក៏នឹងហាមឃាត់ការនាំចេញទំនិញ និងបច្ចេកវិទ្យា សមរម្យសម្រាប់ការប្រើប្រាស់ក្នុងការចម្រាញ់ប្រេង និងការធ្វើឱ្យរាវនៃឧស្ម័នធម្មជាតិ។ ការនាំចេញទៅកាន់ប្រទេសបេឡារុស្សនៃទំនិញ និងបច្ចេកវិទ្យានាវាចរណ៍តាមសមុទ្រ ក៏ដូចជារបស់ប្រណីតៗឥឡូវនេះក៏ត្រូវបានរារាំងផងដែរ៕
ប្រែសម្រួល៖ស៊ុនលី
