បរទេស ៖ យោងតាមការចេញផ្សាយ របស់ RT ស្ថានទូតអ៊ីស្រាអែល ប្រចាំនៅទីក្រុងគៀវ បានព្រមានថា ជនជាតិអ៊ីស្រាអែល ដែលកាន់លិខិតឆ្លងដែនអ៊ុយក្រែន គួរតែជៀសវាងការធ្វើដំណើរ ទៅកាន់ប្រទេសអ៊ុយក្រែន ដោយសារការកើនឡើង នៃរបាយការណ៍នៃពលរដ្ឋមានលិខិតឆ្លងដែន ពីរមិនត្រូវបានអនុញ្ញាត ឱ្យចាកចេញពីប្រទេសមាន ការកើនឡើងខ្លាំង។
ការព្រមាននេះកើតឡើងនៅពេល ដែលអាជ្ញាធរអ៊ុយក្រែន រឹតបន្តឹងច្បាប់ស្តីពីការចល័ត ដែលរារាំងបុរសទាំងអស់ ដែលមានអាយុពី១៨ទៅ៦០ឆ្នាំមិនឱ្យចាកចេញ ពីប្រទេសខណៈពេលដែលវាស្ថិតនៅក្រោម ច្បាប់អាជ្ញាសឹកនៅតែបន្តនៅឡើយ ក្នុងប្រទេសនេះ។
រំលឹកដែរថាកាលពីខែមុន ឆ្មាំព្រំដែនអ៊ុយក្រែនបានពង្រីកវិធានការដល់អ្នកដែលកាន់លិខិតឆ្លងដែនទីពីរ ហើយមានលំនៅអចិន្ត្រៃយ៍នៅបរទេស។នៅក្នុងសារមួយនៅលើបណ្តាញ Telegram ផ្លូវការរបស់គាត់កាលពីថ្ងៃចន្ទ ឯកអគ្គរដ្ឋទូតអ៊ីស្រាអែលប្រចាំ នៅទីក្រុងគៀវ លោក Michael Brodsky បានសរសេរថា ប្រជាជនអ៊ីស្រាអែលទាំងអស់ ដែលមាន សញ្ជាតិអ៊ុយក្រែនគួរតែ ពិចារណាពីភាពងាយស្រួល ក្នុងការធ្វើទស្សនកិច្ចនៅអ៊ុយក្រែន ក្នុងសម័យកាលសង្រ្គាមនេះ។
ការព្រមានស្រដៀងគ្នានេះក៏ត្រូវបានចេញ កាលពីខែមុន ដោយស្ថានទូតអាមេរិកនៅទីក្រុងគៀវ ដែល បានណែនាំយ៉ាងមុតមាំ ដល់ពលរដ្ឋ មានលិខិតឆ្លងដែន ២ដែលមកពីខាងក្រៅអ៊ុយក្រែន មិនឱ្យធ្វើដំណើរទៅ កាន់ប្រទេសនេះ ដោយកត់សម្គាល់ថាមានហានិភ័យខ្ពស់ ដែលពួកគេនឹងមិនអនុញ្ញាតឱ្យចាកចេញ ពីប្រទេសឡើយសូម្បីតែមានលិខិតឆ្លងដែនអាមេរិកក្តី៕
ប្រែសម្រួល៖ស៊ុនលី
