បរទេស៖ យោងតាមការចេញផ្សាយរបស់ RT អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃពុធថា ប្រធានាធិបតីរុស្ស៊ី លោក Vladimir Putin និងអ្នកនាំមុខខាងគណបក្សសាធារណរដ្ឋក្នុងការប្រជែងតំណែងប្រធានាធិបតីអាមេរិក លោក Donald Trump មិនបានធ្វើការចរចារណាមួយអំពីការដោះស្រាយជម្លោះអ៊ុយក្រែននោះទេ នេះបើតាមអ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃពុធម្សិលមិញ។
កាលពីថ្ងៃអង្គារ សារព័ត៌មាន Politico បានរាយការណ៍ដោយដកស្រង់អ្នកជំនាញសន្តិសុខជាតិពីររូបដែលចូលបក្សសម្ព័ន្ធ Trump ថាអតីតប្រធានាធិបតីកំពុងសញ្ជឹងគិតអំពីកិច្ចព្រមព្រៀងដែលណាតូនឹងបដិសេធពីការពង្រីកទៅភាគខាងកើតបន្ថែមទៀត ដោយបោះបង់ចោលផែនការរបស់ខ្លួនក្នុងការនាំយកអ៊ុយក្រែន និងហ្សកហ្ស៊ី។
ផែនការនេះក៏នឹងត្រូវបានគេរាយការណ៍ថានឹងមានការពិភាក្សាជាមួយលោកPutinអំពីចំនួនទឹកដីអ៊ុយក្រែនដែលក្រុងមូស្គូអាចរក្សាបាន។ប៉ុន្តែទោះបីជាយ់ាងណាក្តីនៅពេលដែលត្រូវបានសួរដោយអ្នកសារព័ត៌មានកាលពីថ្ងៃពុធដើម្បីអត្ថាធិប្បាយថាតើការសន្ទនាបែបនេះកំពុងកើតឡើងឬយ៉ាងណានោះ Peskov បាននិយាយថា ៖នេះមិនមែនជាការពិតទេ។ កាលពីខែឧសភា អ្នកនាំពាក្យរូបនេះបាននិយាយថា លោកPutin និងលោក Trump មិនមានទំនាក់ទំនងអ្វីឡើយ។
គួរឲ្យដឹងដែរថាប្រធានាធិបតីអាមេរិកទី៤៥ បាននិយាយម្តងហើយម្តងទៀតថាគាត់នឹងបញ្ចប់ជម្លោះអ៊ុយក្រែនក្នុងរយៈពេល២៤ម៉ោងប្រសិនបើត្រូវបានជាប់ឆ្នោតទោះបីជាព័ត៌មានលម្អិតពិតប្រាកដនៃផែនការនេះមិនច្បាស់លាស់ក៏ដោយ៕ ប្រែសម្រួល៖ស៊ុនលី
