ម៉ានីល៖ ព្រឹទ្ធសមាជិកហ្វីលីពីន បានជំរុញឱ្យរដ្ឋាភិបាលហ្វីលីពីន ធ្វើការសន្យាឱ្យបានល្អ ក្នុងការផ្តល់សំណង “ត្រឹមត្រូវ និងមានន័យ” សម្រាប់ស្ត្រីហ្វីលីពីន ដែលត្រូវបានបង្ខំឱ្យធ្វើការនៅក្នុងផ្ទះបន ក្នុងសម័យសង្គ្រាមរបស់ជប៉ុន។
ព្រឹទ្ធសមាជិកហ្វីលីពីនលោកស្រី Risa Hontiveros បានឲ្យដឹងថា មានតែស្ត្រីហ្វីលីពីន ១៨នាក់ប៉ុណ្ណោះ ដែលនៅរស់រានមានជីវិត នៅក្នុងប្រទេសហ្វីលីពីននាពេលបច្ចុប្បន្ននេះ ហើយវាដល់ពេលដែល ត្រូវផ្តល់សំណងដល់ពួកគេ និងគ្រួសាររបស់ពួកគេហើយ។
លោកស្រីបានលើកឡើងថា “ពេលវេលាអស់ហើយសម្រាប់រដ្ឋាភិបាលហ្វីលីពីន ក្នុងការស្វែងរកការដោះស្រាយ និងទទួលស្គាល់ស្ត្រី ដែលនៅសេសសល់” នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
លោកស្រី Hontiveros បានរំលឹកឡើងវិញនូវការអំពាវនាវរបស់លោកស្រី បន្ទាប់ពីលោកស្រីជួបជាមួយ អង្គការមិនរកប្រាក់ចំណេញ Malaya Lolas (Free Grandmothers) ដែលមានសមាសភាពមកពី ប្រជាជនហ្វីលីពីន ដែលរួចរស់ជីវិតពីទាសភាពផ្លូវភេទ។
លោកបន្ដថា “Lolas ទាំងនេះ (ជីដូន) មិនអាចរង់ចាំទៀតនោះទេ” ដោយបន្ថែមថា រដ្ឋបាលរបស់ប្រធានាធិបតីលោក Ferdinand Romualdez Marcos ត្រូវតែធ្វើឱ្យបានល្អតាមការសន្យា របស់ពួកគេក្នុងការពង្រីកជំនួយ និងជំនួយ ដល់ជនរងគ្រោះ”។
លោកស្រី Hontiveros ក៏បានទៅទស្សនាផ្ទះ Bahay na Pula ដែលត្រូវបានប្រើប្រាស់ដោយកងទ័ពជប៉ុន ដើម្បីប្រព្រឹត្តអំពើហឹង្សាផ្លូវភេទផងដែរ ដោយលោកស្រីសង្ឃឹមថា រដ្ឋាភិបាលនឹងសាងសង់ផ្ទះនេះឡើងវិញ ហើយធ្វើវាជាកន្លែងរំលឹកវិញ្ញាណក្ខន្ធសម្រាប់ជនរងគ្រោះ និងអ្នករួចជីវិតពីអំពើហិង្សាផ្លូវភេទក្នុងសម័យសង្គ្រាម ៕
ប្រែសម្រួល ឈូក បូរ៉ា
