បរទេស៖ អ្នកណាដែលផ្តល់ព័ត៌មានដ៏មានតម្លៃដើម្បីជួយប៉ូលីសចាប់ខ្លួនឈ្មោះ Duong Van Luyen ជាជនសង្ស័យក្នុងឃាតកម្មលើម្តាយនិងកូន នៅក្នុងឃុំ Van An ទីក្រុង Chi Linh នឹងទទួលបានរង្វាន់ ៥០០ លានដុង។
យោងតាមសារព័ត៌មាន VN EXPRESS ចេញផ្សាយកាលពីថ្ងៃទី៤ ខែកក្កដា ឆ្នាំ២០២៤ បានឱ្យដឹងថា ការប្រកាសនេះត្រូវបានធ្វើឡើងដោយប៉ូលិសទីក្រុង Chi Linh បន្ទាប់ពីបានតាមរកអស់រយៈពេលជាច្រើនថ្ងៃទៅលើជនសង្ស័យ Luyen អាយុ ៣៩ឆ្នាំនៅសង្កាត់ Chi Minh ក្នុងទីក្រុង Chi Linh ។
នៅម៉ោងប្រហែល ២ រសៀល នៅថ្ងៃទី ២៣ ខែមិថុនា ឈ្មោះLuyen បានបើករថយន្តភីកអាប់ពណ៌ខៀវទៅផ្ទះរបស់លោកស្រី Le Thi Hoai ក្នុងតំបន់លំនៅដ្ឋាន Tuong ឃុំ Van An ហើយបានចាក់គាត់និងកូនស្រីរបស់គាត់ Tran Thi Ngoc Anh បណ្តាលឱ្យស្លាប់ទាំងពីរ។
បន្ទាប់មក ឈ្មោះ Luyen បានចាកចេញពីកន្លែងកើតហេតុ ទុករថយន្តចោលនៅវាលស្រែ ក្នុងឃុំ Thai Hoc ហើយគេចខ្លួនបាត់។ ប៉ូលីសក្រុង Chi Linh បានចេញដីកាស្វែងរកជនដែលសង្ស័យថាបានប្រព្រឹត្តបទឧក្រិដ្ឋប្រឆាំងនឹងឈ្មោះ Luyen ។
បើតាមសមត្ថកិច្ច បានឲ្យដឹងថា ពេលរត់គេចខ្លួន មានឈ្មោះ Luyen ពាក់អាវយឺតដៃខ្លី ពណ៌ខៀវ ខោខូវប៊យ ពណ៌ខៀវ ហើយជិះម៉ូតូម៉ាក SH ពណ៌ស។
អាជ្ញាធរក្នុងតំបន់បាននិយាយថា Luyen គឺជាកូនពៅក្នុងចំណោមកូនបួននាក់។ ប្រហែលឆ្នាំ ២០១៥ Luyen រស់នៅជាមួយ Ngoc Anh ជាប្តីប្រពន្ធ និងមានកូនជាមួយគ្នានៅឆ្នាំ ២០១៦។ ប្តីប្រពន្ធនេះក្រោយមកបានបែកគ្នា។
ប្រហែលឆ្នាំ ២០២១ Luyen បានរៀបការជាមួយអ្នកផ្សេង។ ក្នុងអំឡុងពេលនេះ Luyen និង Ngoc Anh តែងតែមានជម្លោះ។
ប្រែសម្រួលៈ ណៃ តុលា
