បរទេស ៖ យោងតាមការចេញផ្សាយរបស់ RT រដ្ឋាភិបាលទី ក្រុងគៀវបានសម្តែងការខឹងសម្បា យ៉ាងខ្លាំងចំពោះដំណើរ ទស្សនកិច្ចរបស់នាយករដ្ឋមន្ត្រីហុងគ្រី លោក Viktor Orban ទៅកាន់ប្រទេសរុស្ស៊ី ហើយបានអះអាងថា អាជ្ញាធរអ៊ុយក្រែន មិនបានទទួលដំណឹង ជាមុនអំពីដំណើរទស្សនកិច្ចនេះទេ។
លោក Orban បានធ្វើដំណើរទៅដល់ទីក្រុងមូស្គូ កាលពីព្រឹកថ្ងៃសុក្រម្សិលមិញនេះ ហើយបានជួបជាមួយប្រធានាធិបតីរុស្ស៊ី លោក Vladimir Putin និងបន្តភ្លាមៗដោយការពិភាក្សា អំពីគំនិតក្នុងការបង្កើត បទឈប់បាញ់ជាបន្ទាន់ និងចាប់ផ្តើមកិច្ចចរចា សន្តិភាព ដើម្បីដោះស្រាយជម្លោះអ៊ុយក្រែន។
កាលពីដើមសប្តាហ៍នេះ លោក Orban ក៏ទើបតែបានធ្វើដំណើរទៅកាន់ទីក្រុងគៀវដែរ ដើម្បីជួបជាមួយលោក ប្រធានាធិបតីអ៊ុយក្រែនVladimir Zelensky និងថែមទាំងបានធ្វើការពិភាក្សា ទៅលើកិច្ចការងារស្រដៀងគ្នានេះផងដែរ។
ជាប្រតិកម្មក្រសួងការបរទេស អ៊ុយក្រែនបានធ្វើការរិះគន់ថាការសម្រេចចិត្តរបស់លោក Orban ក្នុងការធ្វើដំណើរទៅកាន់ ទីក្រុងមូស្គូ ធ្វើឡើងដោយភាគីហុងគ្រីដោយគ្មានការយល់ព្រម ឬការសម្របសម្រួលជាមួយ អ៊ុយក្រែននោះឡើយហើយសង្កត់ធ្ងន់ថា ក្រុងគៀវប្រឆាំងដាច់ខាតទៅនឹងការ ចរចាណាមួយទាក់ទង នឹងជម្លោះដោយ គ្មានការចូលរួមផ្ទាល់របស់ខ្លួន៕
ប្រែសម្រួល៖ស៊ុនលី
