បរទេស៖ ប្រទេសបារាំង អាចប្រឈមមុខនឹង ការជាប់គាំងនយោបាយដ៏មានសក្តានុពល បន្ទាប់ពីការបោះឆ្នោត កាលពីថ្ងៃអាទិត្យ ដោយក្រុមសម្ព័ន្ធភាពឆ្វេង និយមបានដណ្តើមយកតំណែង កំពូលដោយមិននឹកស្មានដល់ ប៉ុន្តែគ្មានក្រុមណាឈ្នះសំឡេងភាគច្រើនឡើយ។
យោងតាមសារព័ត៌មាន Reuters ចេញផ្សាយនៅថ្ងៃទី៨ ខែកក្កដា ឆ្នាំ២០២៤ បានឱ្យដឹងថា អ្នកបោះឆ្នោតបានផ្តល់ នូវការខកចិត្តដ៏ធំមួយសម្រាប់ក្រុមអ្នកជាតិនិយម National Rally (RN) របស់លោកស្រី Marine Le Pen ដែលការស្ទង់មតិបានព្យាករណ៍ថា នឹងឈ្នះសន្លឹកឆ្នោតជុំទីពីរ ប៉ុន្តែបានបញ្ចប់ក្នុងចំណាត់ថ្នាក់លេខ ៣, នេះបើយោងតាមការព្យាករណ៍ របស់អ្នកបោះឆ្នោត។
លទ្ធផលនេះក៏ជាការខកចិត្តមួយ សម្រាប់ប្រធានាធិបតីកណ្តាល និយមលោក Emmanuel Macron ដែលបានហៅការបោះឆ្នោត មុនផែនការ ដើម្បីបញ្ជាក់ ពីគោលននយោបាយ គឺបានទទួលបរាជ័យក្នុងដៃរបស់គណបក្ស RN នៅក្នុងការបោះឆ្នោតសភាអឺរ៉ុប កាលពីខែមុន។
លោក Macron បានបញ្ចប់ជាមួយនឹងសភាដែលបែកបាក់យ៉ាងខ្លាំងនៅក្នុងអ្វីដែលត្រូវបានកំណត់ថា នឹងធ្វើឱ្យតួនាទីរបស់បារាំងចុះខ្សោយនៅក្នុងសហភាពអឺរ៉ុប និងកន្លែងផ្សេងទៀតនៅបរទេស ហើយធ្វើឱ្យមានការលំបាក សម្រាប់នរណាម្នាក់ក្នុងការជំរុញរបៀបវារៈក្នុងស្រុក។
ការបោះឆ្នោតនេះនឹងធ្វើឱ្យសភា បែងចែកជាបីក្រុមធំៗគឺ ឆ្វេង កណ្តាល និងស្តាំនិយម ជាមួយនឹងវេទិកាខុសគ្នាយ៉ាងខ្លាំង និងគ្មានប្រពៃណីក្នុងការធ្វើការជាមួយគ្នា៕
ប្រែសម្រួលៈ ណៃ តុលា
