ប៉េកាំង៖ អ្នកនាំពាក្យក្រសួងការបរទេសចិន លោក Lin Jian បានឲ្យដឹងថា ប្រទេសចិន ប្រឆាំងដាច់ខាត ចំពោះការបន្តរីករាលដាលនៃព័ត៌មានមិនពិត ដោយគ្មានមូលដ្ឋានដោយសហរដ្ឋអាមេរិក អំពីអ្វីដែលគេហៅថា “មូលដ្ឋានឧស្សាហកម្មការពារជាតិរបស់រុស្ស៊ី ដែលជំរុញដោយប្រទេសចិន” ។
ការលើកឡើងរបស់លោក Lin ធ្វើឡើងបន្ទាប់ពីការចោទប្រកាន់ របស់រដ្ឋមន្ត្រីការបរទេសអាមេរិក លោក Antony Blinken នៅក្នុងវេទិកាសាធារណៈរបស់អង្គការណាតូឆ្នាំ២០២៤ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោកបានប្រាប់សន្និសីទសារព័ត៌មានប្រចាំថ្ងៃថា “យើងសម្តែងការមិនពេញចិត្តយ៉ាងខ្លាំង ចំពោះ និងការប្រឆាំងយ៉ាងម៉ឺងម៉ាត់ ចំពោះសុន្ទរកថាខុសឆ្គង ដែលធ្វើឡើងដោយភាគីសហរដ្ឋអាមេរិក”។
លោកបានឲ្យដឹងថា ភ្លាមៗបន្ទាប់ពីវិបត្តិអ៊ុយក្រែនបានផ្ទុះឡើង សហរដ្ឋអាមេរិក បានអះអាងថាប្រទេសចិន កំពុងផ្តល់ជំនួយផ្នែកយោធាដល់ប្រទេសរុស្ស៊ី។ រហូតមកដល់សព្វថ្ងៃនេះ សហរដ្ឋអាមេរិកមិនបានផ្តល់ភស្តុតាងអ្វីឲ្យបានច្រើនឡើយ សូម្បីតែប្រមុខយោធាអាមេរិកក៏ទទួលស្គាល់ថា ចិនមិនបានផ្តល់ជំនួយយោធា ដល់រុស្ស៊ីក្នុងវិបត្តិអ៊ុយក្រែនដែរ។
លោកបន្ដថា “ស្ថិតិបង្ហាញថា ជាង ៦០ភាគរយ នៃគ្រឿងបន្លាស់យោធា ដែលនាំចូលរបស់រុស្ស៊ី និងរបស់ប្រើប្រាស់ពីរប្រភព គឺមកពីសហរដ្ឋអាមេរិក និងបណ្តាប្រទេសលោកខាងលិចផ្សេងទៀត ៩៥ភាគរយ នៃធាតុផ្សំសំខាន់ៗរបស់រុស្ស៊ី ដែលត្រូវបានបំផ្លាញដោយអ៊ុយក្រែន គឺមកពីលោកខាងលិច និង ៧២ភាគរយ នៃផ្នែកខាងលិចនៃប្រទេសរុស្ស៊ី។ តើអាវុធទាំងនោះបានមកពីក្រុមហ៊ុនអាមេរិកដោយរបៀបណា?
លោកបន្ដ “លើសពីនេះទៅទៀត សហរដ្ឋអាមេរិក និងសម្ព័ន្ធមិត្តរបស់ខ្លួន មិនទាន់ឈប់ធ្វើពាណិជ្ជកម្មជាមួយរុស្ស៊ីនៅឡើយទេ។ កាលពីឆ្នាំមុន ពាណិជ្ជកម្មរបស់ពួកគេជាមួយរុស្ស៊ីឈានដល់ជាង ១៣០ ពាន់លានដុល្លារអាមេរិក ដែលស្មើនឹង ១៨ភាគរយ នៃពាណិជ្ជកម្មបរទេសរបស់រុស្ស៊ី។
ប្រទេសភាគច្រើននៅលើពិភពលោកមិនចូលរួម ក្នុងការដាក់ទណ្ឌកម្មប្រឆាំងនឹងរុស្ស៊ី ឬបញ្ឈប់ការធ្វើពាណិជ្ជកម្មជាមួយរុស្ស៊ីនោះឡើយ ដោយលោកបន្ថែមថា ចិនគឺជាអ្វីផ្សេងទៀតក្រៅពីការគំរាមកំហែងរបស់សហរដ្ឋអាមេរិក ៕
ប្រែសម្រួល ឈូក បូរ៉ា
