តួគី ៖ អាមេរិក កំពុងធ្វើឲ្យកាន់តែ ស្មុគ្រស្មាញ ក្នុងបទឧក្រិដ្ឋកម្ម សង្គ្រាមនៅអ៊ីស្រាអែល

បរទេស ៖ យោងតាមការ ចេញផ្សាយរបស់ RT ប្រធានាធិបតី​តួ​គី លោក Recep Tayyip Erdogan បាន​អះអាង​ថា ប្រធានាធិបតី​អាមេរិក Joe Biden និង​រដ្ឋបាល​របស់​លោកកំពុង បន្តឲ្យ​មាន​ជម្លោះ​កាន់តែស្មុគ្រស្មាញ នៅក្នុង​ឧក្រិដ្ឋកម្ម​សង្គ្រាម ​អ៊ីស្រាអែល​នៅ​តំបន់ Gaza។

នៅក្នុងបទសម្ភាសន៍ជាមួយ Newsweek កាលពីថ្ងៃព្រហស្បតិ៍ក្នុងអំឡុង ពេលកិច្ចប្រជុំកំពូលប្រចាំឆ្នាំ របស់អង្គការណាតូនៅទីក្រុងវ៉ាស៊ីនតោន មេដឹកនាំតួគីបាននិយាយថា ការវាយប្រហារដោយចេតនារបស់អ៊ីស្រាអែល លើហេដ្ឋារចនាសម្ព័ន្ធស៊ីវិល នៅតំបន់ហ្គាហ្សាបង្កើតជាឧក្រិដ្ឋកម្មសង្គ្រាម ប៉ុន្តែក៏ជាអ្វីដែលអ៊ីស្រាអែល តែងតែបានបដិសេធ យ៉ាងដាច់ខាតផងដែរ។

បន្ថែមលើសពីនេះផងដែរ យោងតាមប្រធានាធិបតីតួគី បានបញ្ជាក់ដែរថារដ្ឋបាល Biden មិនបានយកចិត្តទុកដាក់ចំពោះការរំលោភបំពានទាំងនេះ ហើយផ្តល់ការគាំទ្រដល់អ៊ីស្រាអែល បំផុតក្នុងការប្រតិបត្តិការនេះ ។

គួរឲ្យដឹងដែរថាក្នុងនាមជា សមាជិកណាតូផងនោះប្រទេសតួគី តែងតែបានថ្កោលទោសម្តង ហើយម្តងទៀត ចំពោះការវាយលុករបស់អ៊ីស្រាអែល លើតំបន់ហ្គាហ្សា និងបានរិះគន់រដ្ឋាភិបាលលោកខាងលិច ចំពោះការបន្តគាំទ្រអ៊ីស្រាអែល ។

រដ្ឋាភិបាលទីក្រុងអង់ការ៉ា បានបញ្ឈប់ពាណិជ្ជកម្មជាមួយក្រុងហ្សេរុយសាឡឹម ខាងលិចភ្លាមៗបន្ទាប់ពីជម្លោះបានចាប់ផ្តើម កាលពីខែតុលាឆ្នាំមុនហើយ ថ្លែងទៅកាន់ Newsweek លោក Erdogan ក៏បានរំលឹកឡើងវិញនូវការអំពាវនាវ របស់លោកឱ្យដាក់ទណ្ឌកម្មអ៊ីស្រាអែល នៅឡើយដែរ៕

ប្រែសម្រួល៖ស៊ុនលី