ហ្គាហ្សា៖ កងកម្លាំងការពារអ៊ីស្រាអែល (IDF) បានឲ្យដឹងថា មេបញ្ជាការជាន់ខ្ពស់របស់ក្រុមហាម៉ាស់ម្នាក់ ដែលជាប់ពាក់ព័ន្ធក្នុងការគ្រប់គ្រង ការវាយប្រហារកាលពីថ្ងៃទី០៧ ខែតុលា ប្រឆាំងនឹងអ៊ីស្រាអែល ត្រូវបានសម្លាប់នៅក្នុងការវាយប្រហារ តាមអាកាសនាពេលថ្មីៗនេះ លើទីក្រុងហ្គាហ្សា។
ប្រភពពី IDF បានឲ្យដឹងនៅក្នុងសេចក្តីថ្លែងការណ៍មួយថា អ្នកស្លាប់ មានឈ្មោះ Ayman Showadeh គឺជាមេបញ្ជាការរង នៃកងវរសេនាតូច Shejaiya របស់ក្រុមហាម៉ាស់ នៅក្នុងជម្លោះបច្ចុប្បន្ន និងជាអតីតប្រតិបត្តិការសំខាន់ នៅក្នុងទីស្នាក់ការកណ្តាល ប្រតិបត្តិការរបស់ក្រុមហាម៉ាស់។
យោងតាមសេចក្តីថ្លែងការណ៍បានឱ្យដឹងថា លោក Showadeh បានដឹកនាំការវាយប្រហារជាច្រើនប្រឆាំងនឹងកងទ័ព IDF របស់អ៊ីស្រាអែល នេះបើយោង តាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
IDF បានអះអាងថា បុរសម្នាក់នេះ ស្ថិតក្នុងចំណោម “ភេរវករ” ជាង ១៥០នាក់ដែលត្រូវបានបោស សម្អាតនៅក្នុងប្រតិបត្តិការ IDF នាពេលថ្មីៗនេះនៅក្នុងសង្កាត់ Shejaiya នៃទីក្រុងហ្គាហ្សា។
យោធាអ៊ីស្រាអែល បានកំណត់គោលដៅលើសង្កាត់ Shejaiya ប្រហែលពីរសប្តាហ៍ ក្នុងនាមការលុបបំបាត់ “ភេរវករ” សកម្ម និងហេដ្ឋារចនាសម្ព័ន្ធរបស់ពួកគេ ហើយកាលពីថ្ងៃពុធកន្លងទៅនេះ យោធាអ៊ីស្រាអែល បានប្រកាសថា ខ្លួនបានបញ្ចប់បេសកកម្មនៅ Shejaiya ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
