បរទេស៖ ប្រធានាធិបតីអាមេរិកលោក Joe Biden បានព្រមាននៅក្នុងសុន្ទរកថារបស់លោកពីការិយាល័យ Oval នៅថ្ងៃអាទិត្យ ដោយជំរុញឱ្យប្រជាជនអាមេរិក ជៀសវាងពីអំពើហិង្សា។ ការអំពាវនាវនេះបានធ្វើឡើងមួយថ្ងៃបន្ទាប់ពីគូប្រជែង ក្នុងការបោះឆ្នោតឡើងវិញរបស់លោក ដែលជាអតីតប្រធានាធិបតីគឺលោក ដូណាល់ ត្រាំ បានរួចផុតពីសេចក្តីស្លាប់យ៉ាងចង្អៀត នៅពេលដែលខ្មាន់កាំភ្លើងម្នាក់បានបាញ់ប្រហារ មកលើលោកនៅឯការប្រមូលផ្តុំយុទ្ធនាការមួយ។
យោងតាមសារព័ត៌មាន RT ចេញផ្សាយនៅថ្ងៃទី១៥ ខែកក្កដា ឆ្នាំ២០២៤ បានឱ្យដឹងថា ក្នុងសុន្ទរកថាផ្សះផ្សានោះ លោក Biden បានជំរុញប្រជាជនអាមេរិកឲ្យចេញពីឃ្លាំង កន្លែងដែលមនុស្សឮតែទស្សនៈដែលពួកគេយល់ព្រម។ លោកបានសង្កត់ធ្ងន់ថា “ការខ្វែងគំនិតគ្នាគឺជៀសមិនរួច” នៅក្នុងប្រទេសប្រជាធិបតេយ្យ ហើយបានជំរុញឱ្យមនុស្សគ្រប់គ្នា “បន្ថយកំដៅនៅក្នុងនយោបាយ” ។
លោក Biden បាននិយាយថា “គ្មានកន្លែងណានៅអាមេរិក សម្រាប់អំពើហឹង្សាបែបនេះទេ, គ្មានអំពើហឹង្សាណាមួយ, រយៈពេលនេះ, គ្មានករណីលើកលែងទេ។ យើងមិនអាចអនុញ្ញាតឲ្យអំពើហិង្សានេះត្រូវបានធ្វើឲ្យ មានលក្ខណៈធម្មតាបានទេ»។ ខណៈពេលដែលថ្កោលទោសជាថ្មីម្តងទៀត ចំពោះការប៉ុនប៉ងលើជីវិតរបស់លោក ដូណាល់ ត្រាំ គាត់ក៏បានរាយបញ្ជីឧប្បត្តិហេតុថ្មីៗជាច្រើនរួមទាំងការវាយលុកនៅឆ្នាំ២០២១ មកលើអគារ Capitol របស់សហរដ្ឋអាមេរិកដោយអ្នកគាំទ្ររបស់លោក ត្រាំ, ផែនការឆ្នាំ ២០២០ ដើម្បីចាប់ពង្រត់អភិបាលរដ្ឋ Michigan លោកស្រី Gretchen Whitmer និងការវាយប្រហារនៅឆ្នាំ២០២២ លើប្តីរបស់អតីតអ្នកប្រជាធិបតេយ្យ ប្រធានសភាអាមេរិក លោកស្រី Nancy Pelosi ។
លោកប្រធានាធិបតីបាននិយាយថា “នយោបាយមិនត្រូវជាសមរភូមិតូចទេ ហើយព្រះបានហាមឃាត់, ជាវាលពិឃាត”។ លោកបានបន្ថែមថា ភាពខុសគ្នាត្រូវតែដោះស្រាយដោយសន្តិវិធីតាមរយៈការជជែកដេញដោល និងការបោះឆ្នោត «មិនមែនដោយគ្រាប់កាំភ្លើងទេ»៕
ប្រែសម្រួលៈ ណៃ តុលា
