បរទេស៖ លោក ដូណាល់ ត្រាំ បេក្ខជនមកពីគណបក្ស សាធារណរដ្ឋសម្រាប់ប្រធានាធិបតី អាមេរិកក្នុងការបោះឆ្នោតខែវិច្ឆិកាខាងមុខនេះ បានជ្រើសរើសលោក JD Vance ជាដៃគូ ឬជាអនុប្រធានាធិបតី។
យោងតាមសារព័ត៌មាន RT ចេញផ្សាយ នៅថ្ងៃទី១៥ ខែកក្កដា ឆ្នាំ២០២៤ បានឱ្យដឹងថា ការប្រកាសនេះត្រូវបាន ធ្វើឡើងនៅថ្ងៃទីមួយនៃសន្និបាតជាតិរបស់សាធារណរដ្ឋ នៅទីក្រុង Milwaukee រដ្ឋ Wisconsin។
លោក ត្រាំ និយាយនៅក្នុងការបង្ហោះនៅលើ Truth Social កាលពីល្ងាចថ្ងៃចន្ទថា “បន្ទាប់ពីការពិចារណា និងការគិតយ៉ាងយូរ និង ពិចារណាលើទេពកោសល្យ ដ៏អស្ចារ្យរបស់មនុស្ស ជាច្រើនផ្សេងទៀត ខ្ញុំបានសម្រេចចិត្តថាបុគ្គល ដែលស័ក្តិសមបំផុតក្នុងការឡើងកាន់តំណែងជាអនុប្រធានាធិបតី សហរដ្ឋអាមេរិកគឺសមាជិកព្រឹទ្ធសភា J.D. Vance នៃរដ្ឋ Ohio” ។
James David “JD” Vance បច្ចុប្បន្នជាព្រឹទ្ធសមាជិក សាធារណរដ្ឋមកពីរដ្ឋ Ohio។ លោកត្រូវបានជ្រើសរើសនៅឆ្នាំ ២០២២ ដើម្បីជំនួសលោក Rob Portman សមាជិកព្រឹទ្ធសភា GOP ដែលចូលនិវត្តន៍ ។
បន្ទាប់ពីបញ្ចប់ការសិក្សានៅវិទ្យាល័យ លោក Vance បានចុះឈ្មោះ ក្នុងកងម៉ារីនអាមេរិក ហើយបានបម្រើការជាអ្នកឆ្លើយ ឆ្លងព័ត៌មានប្រយុទ្ធជាមួយកងម៉ារីនទី 2 ដែលកំពុងដាក់ពង្រាយ នៅក្នុងប្រទេសអ៊ីរ៉ាក់។
ក្រោយមកលោកបាន ទទួលសញ្ញាប័ត្រ ច្បាប់ពីសាកលវិទ្យាល័យ Yale ប៉ុន្តែទទួលបានការចាប់អារម្មណ៍ ពីជាតិសម្រាប់ សៀវភៅ អនុស្សាវរីយ៍ឆ្នាំ ២០១៦ របស់គាត់គឺ Hillbilly Elegy ដែលគាត់បានសរសេរអំពីកុមារ ភាពរបស់លោក និងតម្លៃគ្រួសាររបស់ Appalachian Americans ។ កាសែត Washington Post បានហៅគាត់ថាជា “សំឡេង នៃខ្សែក្រវាត់ច្រែះ” ដោយសំដៅទៅលើអតីត តំបន់ឧស្សាហកម្មរបស់អាមេរិក ដែលបានធ្លាក់ខ្លួន ជាជនរងគ្រោះ នៃការពិតសេដ្ឋកិច្ចនៃសកលភាវូបនីយកម្ម។
លោក Vance ធ្លាប់ជាអ្នករិះគន់លោក ត្រាំ ក្នុងឆ្នាំ ២០១៦ ប៉ុន្តែចាប់តាំង ពីពេលនោះ មកបានទទួលយក របៀបវារៈប្រជាភិថុតិរបស់គាត់ ហើយបានទទួលការ យល់ព្រមពីលោក ត្រាំ សម្រាប់ការប្រណាំងនៅព្រឹទ្ធសភា៕
ប្រែសម្រួលៈ ណៃ តុលា
![](https://dap-news.com/wp-content/uploads/2020/08/1-1.png)