បរទេស៖ នៅសប្តាហ៍នេះ ខណៈដែលកោះតៃវ៉ាន់ កំពុងរៀបចំ សម្រាប់ការចាប់ផ្តើម នៃសមយុទ្ធយោធា Han Kuang របស់ខ្លួន ប្រព័ន្ធការពារដែនអាកាស របស់កោះនេះ បានរកឃើញ យន្តហោះគ្មានមនុស្ស បើករបស់ចិនកំពុង ធ្វើដំណើរជុំវិញកោះនេះ ។ នេះជាលើកទី៦ហើយ ដែលចិនបានបញ្ជូនយន្តហោះគ្មានមនុស្ស បើកទៅធ្វើប្រតិបត្តិការជុំវិញកោះតៃវ៉ាន់ចាប់តាំងពីឆ្នាំ២០២៣មក ។
យោងតាមសារព័ត៌មាន VOA ចេញផ្សាយ នៅថ្ងៃទី២៥ ខែកក្កដា ឆ្នាំ២០២៤ បានឱ្យដឹងថា យន្តហោះគ្មានមនុស្ស បើកដូចយន្តហោះ ដែលហោះហើរជុំវិញកោះតៃវ៉ាន់ ដែលបំពេញបេសកកម្ម ឈ្លបយកការណ៍ និងការបំភិតបំភ័យ គឺគ្រាន់តែជាផ្នែកតូចមួយនៃនិន្នាការ ទូលំទូលាយដែលកំពុងធ្វើឱ្យមានរឿង ពីអ៊ុយក្រែនទៅកាន់មជ្ឈិមបូព៌ា ទៅកាន់ច្រកសមុទ្រតៃវ៉ាន់ ហើយកំពុងផ្លាស់ប្តូរមុខមាត់នៃសង្គ្រាម។
តួនាទីដែលកំពុងកើនឡើងដែលយាន អវកាសគ្មានមនុស្សបើក ឬ UAVs ដើរតួ និងការកើនឡើង នៃការព្រួយបារម្ភ អំពីការឈ្លានពានរបស់ចិនទៅលើកោះតៃវ៉ាន់ ដែលកំពុងគ្រប់គ្រងតាមបែបប្រជាធិបតេយ្យកំពុងជំរុញឱ្យទីក្រុងវ៉ាស៊ីនតោន , ទីក្រុងប៉េកាំង និង ទីក្រុងតៃប៉ិ នាំគ្នាធ្វើឱ្យប្រសើរឡើងនូវភាពទំនើប ការសម្របខ្លួន និងតម្លៃនៃបច្ចេកវិទ្យានៃយន្តហោះគ្មានមនុស្សបើក។
កាលពីខែសីហាឆ្នាំមុន មន្ទីរបញ្ចកោណបានចាប់ផ្តើម គំនិតផ្តួចផ្តើមអ្នកចម្លងតម្លៃ ១ ពាន់លានដុល្លារ ដើម្បីបង្កើត យន្តហោះគ្មានមនុស្សបើកលើ ផ្លូវអាកាស សមុទ្រ និងដី” នេះបើយោងតាមអង្គភាពច្នៃប្រឌិត របស់ក្រសួងការពារជាតិ។ មន្ទីរបញ្ចកោណមានគោលបំណងបង្កើតកម្លាំង នៃយន្តហោះគ្មានមនុស្សបើកនៅខែសីហាឆ្នាំ ២០២៥ ។
គំនិតផ្តួចផ្តើមនេះ គឺជាផ្នែកមួយនៃអ្វី ដែលឧត្តមនាវីឯកអាមេរិក Samuel Paparo ថ្មីៗនេះបានពណ៌នាទៅកាន់កាសែត Washington Post ថាជាយុទ្ធសាស្ត្រ “ឋាននរក” ដែលមានគោលបំណងប្រឆាំង នឹងការឈ្លាន ពានរបស់ចិន មកលើកោះតៃវ៉ាន់ តាមរយៈការដាក់ពង្រាយយន្តហោះ គ្មានមនុស្សបើករាប់ពាន់គ្រឿង នៅលើអាកាស និងសមុទ្ររវាងកោះ និងប្រទេសចិន ៕
ប្រែសម្រួលៈ ណៃ តុលា
