បរទេស ៖ យោងតាមការចេញផ្សាយរបស់ RT លោកប្រធានាធិបតី Recep Tayyip Erdogan បានព្រមានថា ប្រទេសតួគីចុងក្រោយគឺ នឹងអាចវាយប្រហារចូល ដល់ប្រទេសអ៊ីស្រាអែល ជុំវិញជម្លោះយូរអង្វែងនៅតំបន់ហ្គាហ្សាស្ទ្រីប រវាងទីក្រុងយេរូសាឡឹមនិង ក្រុមសកម្មប្រយុទ្ធប៉ាឡេស្ទីន Hamas ។
លោកប្រធានាធិបតី បានចេញការគំរាមកំហែង កាលពីថ្ងៃអាទិត្យ ខណៈដែលលោកបានថ្លែងក្នុង អំឡុងពេលការជួបជុំរបស់គណបក្សយុត្តិធម៌ និងអភិវឌ្ឍន៍ (AKP) ដែលកំពុងកាន់អំណាចរបស់លោក ។
លោក Erdogan បាននិយាយថា ៖ យើងត្រូវតែខ្លាំង ដើម្បីកុំឲ្យអ៊ីស្រាអែល វាយប្រហារប៉ាឡេស្ទីន ។ ដូចច្នេះយើងអាចនឹងវាយចូលទីក្រុង Karabakh និងផ្លូវដែលយើងចូលប្រទេសលីប៊ី ប្រហែលជាយើងនឹងធ្វើដូចគ្នាដែរ។ គ្មានអ្វីដែលយើងមិនអាចធ្វើបាន។ យើងត្រូវតែរឹងមាំ ។
មេដឹកនាំតួគីរូបនេះបានសំដៅ ទៅលើការចូលរួមយ៉ាងសកម្ម របស់ទីក្រុងអង់ការ៉ានៅក្នុងសង្គ្រាមស៊ីវិលលីប៊ី ក៏ដូចជាអរិភាពនាពេលថ្មីៗនេះ នៅក្នុងតំបន់ Azerbaijani នៃ Karabakh ។
យ៉ាងណាក្តីខណៈដែលលោក Erdogan បានដាក់ខ្លួនគាត់ ជាយូរមកហើយថា ជាអ្នកគាំទ្រដ៏សំខាន់នៃបុព្វហេតុប៉ាឡេស្ទីន លោកបានបដិសេធថា លោកមិនមានការគំរាមកំហែង ការឈ្លានពានដោយផ្ទាល់ ពីអ៊ីស្រាអែលនោះទេ៕
ប្រែសម្រួល៖ស៊ុនលី
