បរទេស៖ ប្រព័ន្ធផ្សព្វផ្សាយក្នុងស្រុករបស់អ៊ីស្រាអែល បានរាយការណ៍នៅថ្ងៃចន្ទថា អ៊ីស្រាអែលអាចចាប់ផ្តើម “ការវាយប្រហារជាមុន” ទៅលើអ៊ីរ៉ង់ ប្រសិនបើខ្លួនទទួលបានព័ត៌មានសម្ងាត់ថា ទីក្រុងតេអេរ៉ង់ប្រាកដក្នុងការវាយប្រហារជាការសងសឹក ចំពោះការធ្វើឃាតមេដឹកនាំក្រុមហាម៉ាស់ និងក្រុមហេសបូឡា។
យោងតាមសារព័ត៌មាន RT ចេញផ្សាយនៅថ្ងៃទី៥ ខែសីហា ឆ្នាំ២០២៤ បានឱ្យដឹងថា យោងតាមកាសែត Times of Israel គឺថា ជម្រើសនេះត្រូវបានពិភាក្សា នៅក្នុងកិច្ចប្រជុំកម្រិតខ្ពស់ ដែលចូលរួមដោយរដ្ឋមន្ត្រីការពារជាតិ Yoav Gallant អគ្គសេនាធិការ Herzi Halevi ប្រធាន Mossad លោក David Barnea និងប្រធានសេវាស៊ើបការណ៍ផ្ទៃក្នុង Ronen Bar កាលពីយប់ថ្ងៃអាទិត្យ។
លោក Ynet បាននិយាយថា ការវាយប្រហារទុកជាមុន អាចនឹងទទួលបានការអនុវញ្ញាត ប្រសិនបើអ៊ីស្រាអែល ទទួលបានព័ត៌មានសម្ងាត់ទាំងស្រុង រួមទាំង ព័ត៌មានពីសហរដ្ឋអាមេរិកផងដែរ ដែលទីក្រុង Tehran ហៀបនឹងបើកការវាយប្រហារ។ មន្ត្រីជាន់ខ្ពស់អ៊ីស្រាអែលក៏បានរាយការណ៍ថា ប្រទេសនេះអាចទប់ទល់នឹង ការវាយប្រហាររបស់អ៊ីរ៉ង់ ហើយថាភាគីទាំងពីរ មិនចង់បានសង្គ្រាមក្នុងតំបន់ពេញលេញនោះទេ។
កិច្ចប្រជុំកម្រិតខ្ពស់នេះកើតឡើង ចំពេលមានរបាយការណ៍ថា ប្រទេសអ៊ីរ៉ង់អាចបើកការវាយប្រហារទ្រង់ទ្រាយធំ – ដែលនឹងមានឥទ្ធិពលខ្លាំងជាងការ វាយឆ្មក់ដែលពាក់ព័ន្ធនឹងយន្តហោះគ្មានមនុស្សបើក និងកាំជ្រួចរាប់រយដើមដែលបានបាញ់កាលពីខែមេសា – ប្រឆាំងនឹងអ៊ីស្រាអែលនៅដើមថ្ងៃចន្ទ។ របាយការណ៍ Axios ណែនាំថា វាអាចពាក់ព័ន្ធនឹងទ្រព្យសម្បត្តិ រយៈចម្ងាយឆ្ងាយរបស់អ៊ីរ៉ង់ និងកងកម្លាំង Hezbollah នៅក្នុងប្រទេសលីបង់។
សារព័ត៌មានក៏បានអះអាងផងដែរថា ការកំណត់ពេលវេលាដ៏មានសក្ដានុពល ត្រូវបានបញ្ជាក់ដោយរដ្ឋមន្ត្រីការបរទេសអាមេរិក លោក Antony Blinken ក្នុងអំឡុងកិច្ចពិភាក្សាជាមួយសមភាគីក្នុងប្រទេស G7៕
ប្រែសម្រួលៈ ណៃ តុលា
