កងទ័ពថៃ ស៊ើបអង្កេតលើមន្ត្រីយោធា ជាន់ខ្ពស់ ដែលត្រូវបានចោទថា បញ្ជាឱ្យបុគ្គលឯកជន ជាងដប់នាក់ ឈរអាក្រាតកាយ ក្រោមភ្លៀងជាង៥ម៉ោង

By PH104

Posted on August 6, 2024

(Photo: Survive Facebook page

បរទេស៖ កងទ័ពភូមិន្ទថៃ (RTA) បាននិយាយថា ឧប្បត្តិហេតុមួយ ដែលមន្ត្រីយោធាជាន់ខ្ពស់ ដែលត្រូវបានចោទថា បានបញ្ជាឱ្យបុគ្គលឯកជន ជាងដប់នាក់ ឈរអាក្រាតកាយក្រោមភ្លៀងអស់រយៈពេលជាង៥ម៉ោង ហើយបានវាយដំពួកគេកំពុងថែមទៀតនោះ គឺត្រូវបានស៊ើបអង្កេត។

យោងតាមសារព័ត៌មាន បាងកក ប៉ុស្តិ៍ ចេញផ្សាយកាលពីថ្ងៃទី៥ ខែសីហា ឆ្នាំ២០២៤ បានឱ្យដឹងថា អ្នកនាំពាក្យរង កងទ័ពភូមិន្ទថៃ លោក Richa Suksuwanon កាលពីថ្ងៃច័ន្ទ បាននិយាយថា ទង្វើបែបនេះគឺខុស ដោយបន្ថែមថា មេទ័ពជើងគោក លោកឧត្តមសេនីយ Charoenchai Hinthao តែងតែសង្កត់ធ្ងន់លើវិធានការវិន័យ គួរតែផ្អែកលើបទប្បញ្ញត្តិរបស់កងទ័ព និងថ្កោលទោសយ៉ាងខ្ជាប់ខ្ជួននូវការដាក់ទណ្ឌកម្មដែលមិនសមរម្យ និងបំផ្លើស។

ឧបទ្ទវហេតុដែលបានកើតឡើង នៅកងវរសេនាតូចទ័ពសេះទី២៥ នៃកងវរសេនាធំទ័ពសេះទី៤ ឆ្មាំព្រះមហាក្សត្រ នៅឈៀងម៉ៃ កាលពីថ្ងៃព្រហស្បតិ៍សប្តាហ៍មុន ត្រូវបានរាយការណ៍ ទៅទំព័រហ្វេសប៊ុក Survive Facebook ដោយប្អូនស្រីរបស់បុគ្គលឯកជនម្នាក់ ដែលត្រូវបានចោទប្រកាន់ពីបទធ្វើបាប ។

យោងតាមអ្នកបង្ហោះ គឺខាងឯកជនត្រូវបានគេអះអាងថា ត្រូវបានគេបញ្ជាឱ្យឈរអាក្រាតកាយក្រោមភ្លៀងធ្លាក់រយៈពេលប្រហែល ៦ម៉ោង ក្នុងអំឡុងពេលនោះ ពួកគេត្រូវបានវាយដំ និងទាត់ធាក់ថែមទៀត។

លោក Richa បាននិយាយថា គណៈកម្មាធិការពីរផ្សេងគ្នាត្រូវបានបង្កើតឡើង ដើម្បីស៊ើបអង្កេតបញ្ហានេះ ដើម្បីធានាបាននូវយុត្តិធម៌ និងអព្យាក្រឹតភាព។

លោកក៏បានស្នើថា មន្ត្រីយោធាមួយចំនួនអាចនឹងបំពាន លើគោលនយោបាយរបស់កងទ័ពភូមិន្ទថៃ និងលើវិធានការវិន័យ របស់រដ្ឋមន្ត្រីក្រសួងការពារជាតិ លោក Sutin Klungsang ដោយសង្កត់ធ្ងន់ថា មន្ត្រីទាំងនេះត្រូវតែទទួលទោស ប្រសិនបើរកឃើញថាមានកំហុស។ លោកបានបន្តថា ការចោទប្រកាន់ថាមន្ត្រីទាំងនោះស្រវឹងក៏កំពុងត្រូវបានស៊ើបអង្កេតផងដែរ។

លោក Richa មិនបានឆ្លើយសំណួរថា តើមន្ត្រីទាំងនោះអាចត្រូវចោទប្រកាន់ពីបទព្រហ្មទណ្ឌ ឬយ៉ាងណាពីបទបញ្ជាឲ្យឯកជនស្រាតខោអាវនោះទេ ដោយគ្រាន់តែនិយាយថា គណៈកម្មាធិការកំពុងដោះស្រាយរឿងនេះ៕

DAP News

ព័ត៌មានចុងក្រោយ

ក្រសួងបរិស្ថាន ចាត់វិធានការច្បាប់ករណីធ្លាយឧស្ម័នអាម៉ូញាក់ចេញពីរោងចក្រផលិតទឹកកក ក្នុងខណ្ឌពោធិ៍សែនជ័យ

លោក ហ្សេឡិនស្គី អំពាវនាវឱ្យមានតម្លាភាពក្នុងដំណើរការសន្តិភាពរបស់អ៊ុយក្រែន

សហរដ្ឋអាមេរិក បញ្ឈប់ការដាក់ពាក្យសុំអន្តោប្រវេសន៍ សម្រាប់ជនអន្តោប្រវេសន៍មកពីប្រទេសចំនួន ១៩

អត្ថបទពេញនិយម

បើគ្មានភ្លើងក៏មិនមានផ្សែង! តើអ្នកដឹកជញ្ជូន គួរប្រើពាក្យសម្តីបែបណា ទៅកាន់អ្នកអតិថិជន?

អ្នកនិពន្ធបទចម្រៀងដ៏ពេញនិយម ទសវត្ស៩០ លក់ស្រែចូលបា កំពុងសង្គ្រោះបន្ទាន់ នៅមន្ទីរពេទ្យកាល់ម៉ែត

អ្នកនាំពាក្យអគ្គស្នងការនគរបាលជាតិ បដិសេធចំពោះវីដេអូបង្ហាញពីសមត្ថកិច្ច បំពានលើស្រ្តីវៀតណាម

បទវិចារណកថាខ្លី៖ សីលធម៍មន្រ្តី និងសតិអារម្មណ៍ប្រជាពលរដ្ឋ

អាមេរិក នឹងពិនិត្យឡើងវិញ នូវអ្នកកាន់ប័ណ្ណបៃតង ពីប្រទេស ដែលមានការព្រួយបារម្ភចំនួន ១៩

សិស្សសាលាម្នាក់ ត្រូវស្លាប់បាត់បង់ជីវិតភ្លាមៗ ក្នុងករណីគ្រោះថ្នាក់ចរាចរណ៍ នៅស្រុកមោងឫស្សី

រុស្ស៊ី ថ្កោលទោសការវាយប្រហាររបស់អ៊ុយក្រែន លើនាវាដឹកប្រេង និងកំពង់ផែនៅសមុទ្រខ្មៅ