បរទេស៖ មុនពេលលោកស្រីលាលែងពីតំណែង ជានាយករដ្ឋមន្ត្រីបង់ក្លាដែស ហើយបានភៀសខ្លួនចេញពី លំនៅដ្ឋាននៅទីក្រុង Dhaka លោកស្រី Sheikh Hasina ចង់និយាយទៅកាន់ប្រទេសជាតិ ជាពិសេសក្រុមបាតុករ ដែលភាពច្របូកច្របល់បានបង្ខំឱ្យ លោកស្រីលាឈប់ពីការងារកំពូល។ សុន្ទរកថានោះមិនត្រូវបានគេលើកឡើងទេ ខណៈក្រុមអ្នកតវ៉ាបានឈានដល់ មាត់ទ្វារផ្ទះរបស់លោកស្រី ហើយមន្ត្រីសន្តិសុខកំពូលរបស់ប្រទេស បានណែនាំលោកស្រីឱ្យចាកចេញឱ្យឆាប់បំផុត។ នេះបើយោងតាមវែបសាយ NDTV ចេញផ្សាយនៅថ្ងៃទី១២ ខែសីហា ឆ្នាំ២០២៤។
ការចោទប្រកាន់ដ៏ធំប្រឆាំងនឹងសហរដ្ឋអាមេរិក៖ នៅពេលនេះនៅក្នុងប្រទេសឥណ្ឌា ស្ត្រីអាយុ ៧៦ឆ្នាំ (លោកស្រី Sheikh Hasina) បាននិយាយទៅកាន់អ្នករួមការងារជិតស្និទ្ធ របស់លោកស្រីអំពីសុន្ទរកថា ដែលមិនទាន់បានបញ្ចេញ ដែលត្រូវទទួលបានដោយ NDTV ។ នៅក្នុងលិខិតនោះ លោកស្រី Sheikh Hasina បានចោទប្រកាន់សហរដ្ឋអាមេរិកពីបទរៀបចំ ផែនការផ្លាស់ប្តូររបបនៅក្នុងប្រទេស ហើយនឹងបាននិយាយបែបនេះ នៅក្នុងសុន្ទរកថារបស់លោកស្រី ប្រសិនបើមានឱកាស។
នៅក្នុងសុន្ទរកថារបស់លោកស្រីបាននិយាយថា «ខ្ញុំលាលែងពីតំណែង ដោយសារតែខ្ញុំមិនចង់ឃើញការដង្ហែសព។ ពួកគេចង់មកកាន់អំណាចលើសាកសពនិស្សិត ប៉ុន្តែខ្ញុំមិនអនុញ្ញាតទេ។ ខ្ញុំបានលាលែងពីតំណែងនាយករដ្ឋមន្ត្រី។ ខ្ញុំអាចបន្តកាន់អំណាច ប្រសិនបើខ្ញុំបានចុះចាញ់អធិបតេយ្យភាពនៃកោះ Saint Martin ហើយអនុញ្ញាតឱ្យអាមេរិកកាន់កាប់ឈូងសមុទ្រ Bengal ។ ខ្ញុំសូមអង្វរដល់ប្រជាជននៃទឹកដីរបស់ខ្ញុំ សូមកុំត្រូវបានបង្ខិតបង្ខំដោយពួកបដិវត្ត»។
កោះ Saint Martin មានផ្ទៃដីត្រឹមតែ ៣ គីឡូម៉ែត្រការ៉េ ហើយមានទីតាំងនៅភាគឦសាននៃឈូងសមុទ្រ Bengal ។ វាជាផ្នែកខាងត្បូងបំផុត នៃប្រទេសបង់ក្លាដែស។ សុន្ទរកថា បន្តថា “វាប្រហែលជា ប្រសិនបើខ្ញុំបន្តស្នាក់នៅប្រទេសនេះ នោះជីវិតកាន់តែច្រើននឹងត្រូវបាត់បង់។ ខ្ញុំបានដកខ្លួនចេញ អ្នកគឺជាកម្លាំងរបស់ខ្ញុំ អ្នកមិនចង់បានខ្ញុំទេ ដូច្នេះខ្ញុំបានចាកចេញ” ។
នៅក្នុងសាររបស់លោកស្រី Sheikh Hasina ទៅកាន់សមាជិកបក្សរបស់លោកស្រី គឺលោកស្រីបាននិយាយថា Awami League តែងតែត្រលប់មកវិញ។ “កុំអស់សង្ឃឹម ខ្ញុំនឹងត្រលប់មកវិញឆាប់ៗ។ ខ្ញុំបានចាញ់ ប៉ុន្តែប្រជាជនបង់ក្លាដែសបានឈ្នះ មនុស្សដែលឪពុកខ្ញុំ គ្រួសាររបស់ខ្ញុំបានស្លាប់” ។
មេដឹកនាំសម្ព័ន្ធ Awami ត្រូវលាលែងពីតំណែង ហើយរត់ភៀសខ្លួនចេញពីប្រទេស ចំពេលមានការតវ៉ាដ៏ហិង្សាដោយក្រុមនិស្សិត ដែលបានចាប់ផ្តើមជាភាព ច្របូកច្របល់ប្រឆាំងនឹងការកក់ទុក និងបានផ្ទុះឡើងនូវជម្លោះជាមួយរដ្ឋាភិបាល លោកស្រី Sheikh Hasina ។ បាតុករជាង ៤០០នាក់ត្រូវបានសម្លាប់ ខណៈមេដឹកនាំជើងចាស់រូបនេះ ព្យាយាមកម្ទេចការតវ៉ា។
លោកស្រីថា “ប្រសិនបើខ្ញុំនៅតែនៅក្នុងប្រទេស នោះជីវិតកាន់តែច្រើននឹងត្រូវបាត់បង់, ធនធានកាន់តែច្រើននឹងត្រូវបានបំផ្លាញ។ ខ្ញុំបានសម្រេចចិត្តយ៉ាងលំបាកបំផុត ដើម្បីចាកចេញ។ ខ្ញុំបានក្លាយជាអ្នកដឹកនាំរបស់អ្នក ព្រោះអ្នកជ្រើសរើសខ្ញុំអ្នកគឺជាកម្លាំងរបស់ខ្ញុំ” ។
វាបន្ថែមថា លោកស្រីឈឺចាប់ដោយសារ ការកំណត់គោលដៅរបស់មេដឹកនាំ Awami League ហើយថា លោកស្រី “នឹងត្រឡប់មកវិញឆាប់ៗនេះ” ។ “Awami League បានក្រោកឈរម្តងហើយម្តងទៀត។ ខ្ញុំនឹងអធិស្ឋានជារៀងរហូតសម្រាប់ អនាគតនៃប្រទេសបង់ក្លាដែស” ។ លោកស្រីក៏បានបញ្ជាក់ដែរថា លោកស្រីមិនដែលហៅសិស្សដែលតវ៉ានោះ ជា Razakars (អ្នកស្ម័គ្រចិត្ត) នោះទេ៕
ប្រែសម្រួលៈ ណៃ តុលា
