បរទេស៖ នាយករដ្ឋមន្ត្រីឥណ្ឌា លោក Narendra Modi គ្រោងនឹងទៅបំពេញទស្សនកិច្ច នៅប្រទេសអ៊ុយក្រែន ដែលក្រសួងការបរទេសបាន ប្រកាសកាលពីថ្ងៃចន្ទ ដោយបញ្ជាក់ពីរបាយការណ៍ ប្រព័ន្ធផ្សព្វផ្សាយមុនៗថា ដំណើរកម្សាន្តមួយត្រូវបានគេគ្រោង ធ្វើនៅចុងសប្តាហ៍នេះ។ ក្រសួងបានបញ្ជាក់ថា លោក Modi នឹងមកដល់ទីក្រុង គៀវ នៅថ្ងៃសុក្របន្ទាប់ពីបំពេញ ទស្សនកិច្ចនៅប្រទេសប៉ូឡូញ។
យោងតាមសារព័ត៌មាន RT ចេញផ្សាយនៅថ្ងៃទី១៩ ខែសីហា ឆ្នាំ២០២៤ បានឱ្យដឹងថា ដំណើរទស្សនកិច្ចទៅកាន់ទីក្រុងគៀវនេះ នឹងក្លាយជាលើកដំបូងរបស់នាយករដ្ឋមន្ត្រីឥណ្ឌាក្នុងរយៈពេលបីទសវត្សរ៍ចាប់តាំងពីអ៊ុយក្រែនបានក្លាយជាប្រទេសឯករាជ្យមួយបន្ទាប់ពីការបែកបាក់សហភាពសូវៀតក្នុងឆ្នាំ ១៩៩១។
ដំណើរទស្សនកិច្ចរបស់លោក Modi ទៅទីក្រុងគៀវ កើតឡើងប៉ុន្មានសប្តាហ៍ បន្ទាប់ពីលោកបានធ្វើដំណើរទៅទីក្រុងមូស្គូសម្រាប់ដំណើរទស្សនកិច្ចជាផ្លូវការលើកដំបូងក្នុងអាណត្តិទី៣របស់លោកក្នុងនាមជានាយករដ្ឋមន្ត្រី ។ ជំនួបរបស់លោក ជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន ត្រូវបានរិះគន់ដោយទីក្រុងគៀវ និងអ្នកគាំទ្រ លោកខាងលិច ។ លោក វ្ល៉ាឌីមៀ ហ្សេលេនស្គី បានហៅ ការធ្វើដំណើររបស់លោក ម៉ូឌី ទៅកាន់ប្រទេសរុស្ស៊ីថា “ជាការប៉ះទង្គិចដល់កិច្ចខិតខំ ប្រឹងប្រែងសន្តិភាព” ខណៈពេលដែលទីក្រុងវ៉ាស៊ីនតោនបានសម្តែង “ការព្រួយបារម្ភ” របស់ខ្លួនចំពោះទីក្រុងញូវដែលី ជុំវិញទំនាក់ទំនង របស់ខ្លួនជាមួយរុស្ស៊ី។
កាសែត Economic Times បានរាយការណ៍ថា ប្រទេសឥណ្ឌាបានកោះហៅ ឯកអគ្គរដ្ឋទូតអ៊ុយក្រែន ទាក់ទងនឹងការអត្ថាធិប្បាយរបស់លោក ហ្សេលេនស្គី ដើម្បីបង្ហាញពី “ការមិនសប្បាយចិត្ត” របស់ទីក្រុងញូវ ដែលីជាមួយនឹង ប្រតិកម្មរបស់ទីក្រុងគៀវ ។
មន្ត្រីក្រសួងការបរទេស បានប្រាប់ប្រព័ន្ធផ្សព្វផ្សាយកាលពីថ្ងៃចន្ទថា ដំណើរទស្សនកិច្ចរបស់លោក Modi ទៅកាន់ទីក្រុងគៀវនឹង “កសាងឡើងនៅលើអន្តរកម្មកម្រិតខ្ពស់ នាពេលថ្មីៗនេះរវាងមេដឹកនាំទាំងពីរ” ។ លោក Modi ក៏បានជួបជាមួយលោក ហ្សេលេនស្គី កាលពីខែមិថុនា នៅខាងក្រៅកិច្ចប្រជុំកំពូល G7 នៅប្រទេសអ៊ីតាលី។ នៅក្នុងការបង្ហោះនៅលើ X (អតីត Twitter) បន្ទាប់ពីកិច្ចប្រជុំនោះ លោក Modi បានសរសេរថា “ទាក់ទងនឹងអរិភាព ដែលកំពុងបន្ត [ខ្ញុំបាន] បានរំលឹកឡើងវិញថា ឥណ្ឌាជឿ ជាក់លើវិធីសាស្រ្តផ្តោតលើមនុស្ស ហើយជឿថា ផ្លូវ ទៅកាន់សន្តិភាព គឺតាមរយៈការសន្ទនា និងការទូត”៕
ប្រែសម្រួលៈ ណៃ តុលា
