បរទេស៖ យោងតាមការចេញផ្សាយរបស់ RT លោក Vladimir Zelensky បាននិយាយថា អ៊ុយក្រែនមានបំណងបង្កើត តំបន់ការពារ នៅលើដីរុស្ស៊ី និងធ្វើឱ្យខូចខាតផ្នែកយោធា និងសេដ្ឋកិច្ចតាមរយៈការលុកលុយ របស់ខ្លួនចូលទៅក្នុងតំបន់ Kursk ។
នៅក្នុងសេចក្តីថ្លែងការណ៍វីដេអូមួយ កាលពីថ្ងៃអាទិត្យលោក Zelensky បានសាទរចំពោះអង្គភាពអ៊ុយក្រែន ដែលចូលរួមដោយផ្ទាល់ជាមួយកងកម្លាំងរុស្ស៊ី។ ប្រតិបត្តិការនៅតំបន់ Kursk បានអនុញ្ញាតឱ្យទីក្រុងគៀវ ជំរុញ មូលនិធិផ្លាស់ប្តូរ របស់ខ្លួន ដោយសំដៅទៅលើអ្នកទោសសង្គ្រាមរុស្ស៊ី។
ប្រធានាធិបតីរុស្ស៊ី លោក Vladimir Putin បាននិយាយកាលពីខែមុនថា ចំនួនឈ្លើយសឹកដែលភាគីទាំងពីរកាន់កាប់គឺ ៥ទល់នឹង១ ជាការពេញចិត្តរបស់រុស្ស៊ីប៉ុន្តែ អ៊ុយក្រែនបានអះអាងថាបានចាប់អ្នកទោសឆ្មាំព្រំដែនរុស្ស៊ីរាប់សិបនាក់ ក្នុងអំឡុងពេលដំណាក់កាលទីមួយ នៃការវាយលុកក្នុងតំបន់ Kursk។
ប្រមុខចារកម្មយោធាអ៊ុយក្រែន លោក Kirill Budanov បាននិយាយកាលពីថ្ងៃសុក្រសប្តាហ៍មុនថា ក្រុងគៀវនឹងបន្តផ្តល់អាទិភាព ដល់ការវិលត្រឡប់មកវិញនៃ អ្នកការពារក្នុងតំបន់ Azovstalសម្រាប់ការដោះដូរ អ្នកទោសនាពេលអនាគត។
គួរឲ្យដឹងដែរថាមេដឹកនាំរូបនេះ បានធ្វើការសំដៅទៅលើសមាជិក នៃកងវរសេនាធំ neo-Nazi Azov ដ៏ល្បីល្បាញដែលបានបង្កប់ នៅក្នុងកងទ័ពអ៊ុយក្រែនហើយ ដែលមនុស្សរាប់សិបនាក់ ត្រូវបានចាប់ខ្លួនក្នុងខែឧសភា ឆ្នាំ ២០២២នៅទីក្រុង Mariupol ជាកន្លែងដែលពួកគេបានប្រើអាវុធ របស់សូវៀតធ្វើជាមូលដ្ឋានដ៏រឹងម៉ាំ របស់ពួកគេនោះ៕
ប្រែសម្រួល៖ ស៊ុន លី
