បរទេស ៖ យោងតាមការចេញផ្សាយ របស់ RT អតីតប្រធានាធិបតី Donald Trump គឺបាននិយាយខុសទាំងអស់ នៅក្នុងការអះអាង របស់គាត់ដែរថា សហរដ្ឋអាមេរិក កំពុងធ្លាក់ដាំក្បាល ចុះនៅពេលនេះ ។ នេះបើយោងទៅតាមអ្វីដែលមេដឹកនាំ អាមេរិកបច្ចុប្បន្នលោក Joe Biden បានប្រាប់សមាជិកបក្ស របស់គាត់កាលពីថ្ងៃចន្ទ។
លោក Biden បានការពារកំណត់ត្រា នៃរដ្ឋបាលរបស់លោក ដែលគូប្រជែងខាងគណបក្ស សាធារណរដ្ឋរបស់លោកបានចោទប្រកាន់ថាបានបង្វែរ ប្រទេសអាមេរិក ទៅជាប្រទេសបរាជ័យ នៅឯសន្និបាតជាតិ ប្រជាធិបតេយ្យក្នុងទីក្រុង Chicagoទៅវិញ ។
គាត់បានចូលរួមក្នុងព្រឹត្តិការណ៍នេះ ដើម្បីគាំទ្របេក្ខភាព អនុប្រធានាធិបតី Kamala Harris ដែលត្រូវបានតែងតាំង ឱ្យឈរឈ្មោះ ជាប្រធានាធិបតី បន្ទាប់ពីលោក Biden បានដកខ្លួនចេញពីការប្រណាំង ប្រជែងកាលពីខែមុន ក្រោមសម្ពាធផ្ទៃ ក្នុងគណបក្សខ្លាំងពេក ។
លោក Biden បាននិយាយ អំពីវោហាសាស្ត្រ របស់លោក Trump បែបនេះថា ៖សារដែលលោក Trump បានផ្ញើនៅជុំវិញ ពិភពលោក នៅពេល ដែលគាត់និយាយ អំពីសហរដ្ឋអាមេរិក ជាប្រទេសបរាជ័យ” ។ គាត់និយាយថាយើងចាញ់ ប៉ុន្តែតាមពិត គាត់នោះទេដែលជាអ្នកបរាជ័យ គាត់ពិតជាខុសខ្លាំងណាស់។
គួរឲ្យដឹងដែរថា កន្លងមកលោក Trump ក៏ធ្លាប់បានហៅលោក Biden ថាជាមេដឹកនាំទន់ខ្សោយ ដែលមិនត្រូវបានគោរព ដោយសមភាគីបរទេសរបស់គាត់ ហើយលោក Bidenគឺជាបុគ្គល ដែលខ្វះសមត្ថភាព ធ្វើជាប្រធានាធិបតី៕
ប្រែសម្រួល៖ស៊ុនលី
