យូអិន៖ បទបញ្ជាជម្លៀសចុងក្រោយ របស់អ៊ីស្រាអែល សម្រាប់តំបន់ហ្គាហ្សា កំពុងរារាំងចលនានៃប្រតិបត្តិការជំនួយ ដែលបានរារាំងរួចទៅហើយ ដោយការចូលប្រើប្រាស់មានកំណត់ ការខ្វះខាតប្រេងឥន្ធនៈ និងបញ្ហាប្រឈមដទៃទៀត។
ការិយាល័យអង្គការសហប្រជាជាតិ សម្រាប់ការសម្របសម្រួលកិច្ចការមនុស្សធម៌ (OCHA) បានឲ្យដឹងថា បញ្ហាប្រឈមនៃអរិភាពឥតឈប់ឈរ និងការបញ្ជាជម្លៀស ម្តងហើយម្តងទៀត បានរារាំងប្រតិបត្តិការជំនួយ។
OCHA បានឲ្យដឹងថា បទបញ្ជាជម្លៀសចុងក្រោយ ដែលបានចេញផ្សាយ កាលពីថ្ងៃសៅរ៍សម្រាប់ផ្នែកខ្លះនៃទីក្រុង Deir al Balah រួមមានផ្នែកនៃផ្លូវ Salah ad Din ដែលជាផ្លូវឆ្លងកាត់ដ៏សំខាន់ សម្រាប់បេសកកម្មមនុស្សធម៌។
ការិយាល័យបានឲ្យដឹងថា «នេះបានធ្វើឲ្យបុគ្គលិកជំនួយស្ទើរ តែមិនអាចធ្វើដំណើរ តាមផ្លូវសំខាន់នេះបាន ផ្លូវឆ្នេរសមុទ្រមិនមែនជាជម្រើស ដែលអាចសម្រេចបាននោះទេ ។ ឆ្នេរនៅតាមបណ្តោយផ្លូវនេះ ឥឡូវនេះមានមនុស្ស កកកុញជាមួយនឹង ជម្រកបណ្តោះអាសន្ន សម្រាប់ប្រជាជន ប៉ាឡេស្ទីនដែលផ្លាស់ទីលំនៅ”។
OCHA បានឲ្យដឹងថា ជាលទ្ធផល ចលនាក្បួននៅតាមបណ្តោយផ្លូវមាត់សមុទ្រ មានភាពយឺតយ៉ាវខ្លាំង ហើយការផ្គត់ផ្គង់ និងសេវាកម្មសំខាន់ៗ ដូចជាការដឹកជញ្ជូនទឹក មិនបានទៅដល់មនុស្ស ដែលត្រូវការនៅគ្រប់ទីកន្លែង ដែលនៅជិតក្នុងទំហំ ដែលត្រូវការនោះទេ ៕
ប្រែសម្រួល ឈូក បូរ៉ា
