ប៉េកាំង៖ បេសកជនចិន បានជំរុញឱ្យប្រទេសមួយចំនួន “លុបចោល” ជាបន្ទាន់នូវទណ្ឌកម្មឯកតោភាគីទាំងអស់ ដោយសារការដាក់ទណ្ឌកម្មឯកតោភាគី ខុសច្បាប់ដោយប្រទេសទាំងនេះ បំពានលើធម្មនុញ្ញអង្គការសហប្រជាជាតិ និងច្បាប់អន្តរជាតិមិនត្រឹមតែ ធ្វើឱ្យកាន់តែធ្ងន់ធ្ងរឡើងនូវការលំបាកផ្នែកសេដ្ឋកិច្ច និងសង្គមនៃប្រទេសដែលបានកំណត់គោលដៅ ប៉ុន្តែក៏សាបព្រួសគ្រាប់ពូជសម្រាប់ជម្លោះថ្មី និងអស្ថិរភាព”។
លោក Fu Cong តំណាងអចិន្ត្រៃយ៍របស់ប្រទេសចិន ប្រចាំអង្គការសហប្រជាជាតិ បានធ្វើការកត់សម្គាល់នៅឯ ក្រុមប្រឹក្សាសន្តិសុខបើកការពិភាក្សា ស្តីពីការកសាងសន្តិភាព និងនិរន្តរភាពសន្តិភាព៖ របៀបវារៈថ្មី សម្រាប់សន្តិភាព ដោះស្រាយទិដ្ឋភាពសកល តំបន់ និងថ្នាក់ជាតិនៃការទប់ស្កាត់ជម្លោះ។
លោកបានលើកឡើងថា “ការការពារជម្លោះប្រកបដោយប្រសិទ្ធភាព ទាមទារលក្ខខណ្ឌខាងក្រៅអំណោយផល” ដោយលើកឡើងពីតួនាទីរបស់ អង្គការសហប្រជាជាតិក្នុងការទប់ស្កាត់ជម្លោះ។
បេសកជនចិនរូបនេះ បានអំពាវនាវឱ្យស្ថាប័នពិភពលោក បង្កើនធាតុចូលរបស់ខ្លួនក្នុងវិស័យអភិវឌ្ឍន៍ ដោយកត់សម្គាល់ថា ប្រតិបត្តិការរក្សាសន្តិភាពរបស់ អង្គការសហប្រជាជាតិ និងបេសកកម្មនយោបាយ ពិសេសគួរតែយកចិត្តទុកដាក់ ចំពោះតម្រូវការរបស់ប្រទេសពាក់ព័ន្ធ និងធ្វើការងារជាក់ស្តែងបន្ថែមទៀត ដែលអំណោយផលដល់ការ លើកកម្ពស់កំណើនសេដ្ឋកិច្ច និងការអភិវឌ្ឍប្រកបដោយចីរភាព ៕
ប្រែសម្រួល ឈូក បូរ៉ា
