បរទេស៖ ប្រតិបត្តិការស្វែងរក និងជួយសង្គ្រោះ បានបន្តរហូតដល់យប់ថ្ងៃព្រហស្បតិ៍ បន្ទាប់ពីយន្តហោះធុនតូចមួយគ្រឿង បានធ្លាក់ចូលទៅក្នុងព្រៃកោងកាង មួយកន្លែងក្នុងស្រុក Bang Pakong នៃខេត្ត Chachoengsao កាលពីពេលរសៀល ថ្ងៃព្រហស្បតិ៍។
យោងតាមសារព័ត៌មាន បាងកក ប៉ុស្តិ៍ ចេញផ្សាយកាលពីយប់ថ្ងៃទី២២ ខែសីហា ឆ្នាំ២០២៤ បានឱ្យដឹងថា យោងតាមគេហទំព័រតាមដានជើងហោះហើរ FL360aero គឺ សេវាហោះហើរ Thai Flying Service Cessna Caravan C208 (HS-SKR) ដែលមានមនុស្ស ៩ នាក់នៅលើយន្តហោះបានចាកចេញ ពីអាកាសយានដ្ឋានសុវណ្ណភូមិនៅម៉ោង ២ និង៤៦នាទី រសៀល ដោយឆ្ពោះទៅកាន់អាកាសយានដ្ឋាន Ko Mai Chee ក្នុងខេត្តត្រាត។ យន្តហោះត្រូវបានគេរាយការណ៍ថា បានបាត់ការទាក់ទងជាមួយប៉មបញ្ជា នៅព្រលានសុវណ្ណភូមិនៅម៉ោងប្រហែល ៣ រសៀល។
ហេតុការណ៍ធ្លាក់យន្តហោះនេះ បានកើតឡើងកាលពីវេលាម៉ោង ៣និង១៨នាទីរសៀល នៅខាងក្រោយ Wat Khao Din ក្នុងស្រុក Bang Pakong ។
បំណែកយន្តហោះនេះត្រូវបានគេរកឃើញ នៅក្នុងភក់ក្នុងព្រៃកោងកាងក្បែរប្រាសាទមូយកន្លែង។ សម្លៀកបំពាក់ស្ត្រី និងរូបថតស្ត្រីបរទេសបីនាក់ ត្រូវបានគេរកឃើញនៅកន្លែងនោះ។
អ្នកជិះលើយន្តហោះទាំង៩នាក់នេះ ត្រូវបានគេរាយការណ៍ថា មានជនជាតិចិន៥នាក់ និងអ្នកដំណើរថៃ២នាក់ និងអ្នកបើកយន្តហោះជនជាតិថៃម្នាក់ និងសហពីឡុតម្នាក់ទៀត។
មន្ត្រីប៉ូលីសមកពីប៉ុស្តិ៍ប៉ូលីស Bang Pakong បាននិយាយថា ក្រុមរុករកកំពុងប្រមូលបំណែកយន្តហោះ ប៉ុន្តែគ្មានដាននៃអ្នកកាន់យន្តហោះត្រូវបានរកឃើញទេ គិតត្រឹមល្ងាចថ្ងៃព្រហស្បតិ៍។
ការស្វែងរកមានភាពស្មុគស្មាញដោយសារ ទឹកជន់លិចទីតាំងនៅជិតមាត់ទន្លេ Bang Pakong ក្បែរនោះ នេះបើយោងតាមសេចក្តីរាយការណ៍ ពីប្រព័ន្ធផ្សព្វផ្សាយក្នុងស្រុក ៕
ប្រែសម្រួលៈ ណៃ តុលា
